الجرام بنص مليون جنيه.. بيزنس سم العقارب.. الدهب الأسود في مصر

عمرك فكرت قبل كده تشتغل في سم العقارب، طب انت تعرف أن البيزنس ده لو اشتغلت فيه هينقلك لختة تانية وفي فترة صغيرة جدا هيخليك تعمل ملايين، لان ببساطة العقرب ده بيستخرجه منه مادة المادة دي الجرام منها بيتباع بنص مليون جنيه 

انت متخيل الجرام الواحد ممكن يغير حياتك ازاي فما بالك بقى لو جمعت ١٠٠ جرام منه ، الكلام ده أكده بنفسه محمد بشتة، عضو جمعية السموم الدولية، ومستخلص السموم من العقارب والثعابين، وده قال سعر جرام سم العقارب في بعض الأنواع تمنه 10 آلاف دولار يعني 480 ألف جنيه مصري

 لان سم العقارب بيستخدم في مجالات مهمة جدا لان ببساطة السموم دي عبارة عن مجموعة بروتينات جوا غدد كائنات حية، و و السموم دي هي المادة الخام اللي بتستخدم في صناعة الأمصال

وقال كمان أن السموم من أغلى السلع على مستوى العالم وخاصة سم العقارب، وقال أن  تجارة دي ممكن تحقق منها ثروة بملايين الدولارات، وكمل وقال أن العقارب لها صيادين موجودين في مصر.. الجرام الواحد بيطلع من 3 آلاف عقرب، يعني الموضوع مش سهل

وهو نفسه قابلته صعوبات كتير لما بدأ يشتغل في مجال استخلاص السموم من العقارب والثعابين من سنة 2015، بشته قال أنه مر بتجارب كبيرة وصعبة جدًا وكان طبيعي يخاف من التعامل مع العقارب والثعابين كانت حاجة مقلقة  في البداية بس هو اتغلب على  المخاوف.

وبقى يعمل عليهم تجارب وأبحاث كتير جدا ودلوقتي هو بيشتغل على 60 ألف عقرب وأكثر من 2000 ثعبان، وبقى عنده مراكز بحثية مخصوص لسم العقارب والتعابين

واحد من  تجار «سم العقارب»، قال أن سم العقارب تجارة مُربحة رغم أنها مش منتشرة كتير في مصر، لأن الموضوع محتاج جهد كبير جدا، بس على جانب تاني في بلاد موجود فيها بشكل كبير، ودي بتعتمد كُليا على سم العقارب في صناعة الأدوية ومنتجات التجميل العلاجية

بس عشان نقدر نعمل تجارة من السم، محتاجين حوالي 100 ألف عقرب في المرة الواحدة، عشان نقدر نطلع منه كمية مناسبة نعرف تستخدمهم بعد كده في أكتر من تجربة عشان نتأكد من سلامة السم وفاعليته، وده متوقف على سلامة البلازما الموجودة فيه

انت بقى قولنا جربت تشتغل في سم العقارب؟