هتخليك مديون.. 3 عيوب في فيزا المشتريات خالي بالك منها!
ناس كتير معتمدة على فيزا المشتريات خصوصا اللي بيعتمدوا على الشرا بالتقسيط
بس خالي بالك زي ما الفيزا دي ليها مميزات كتير فهي كمان ليها عيوب
بس ياترى ايه هي عيوبها؟
وليد عادل الخبير المصرفي، كشف عن 3 عيوب لفيزا المشتريات لازم تخلي بالك منها
اولها انك لو مسددتش الفلوس اللي عليك في ميعادها هيطبق عليك فوائد وطبعا ده هيزود ديونك
وغير كده فيه فوائد سنوية لازم تطبق مع فوائد عدم السداد يعني لو جمعتهم هتلاقيهم مبلغ وقدره
وغير كده سهولة استخدام الفيزا هيخليك تشتري حاجات كتير جدا وده هيخليك تتجاوز الميزانية بتاعتك
وبرضو هيطبق عليك ديون وفوائد انت مش عامل حسابها
بس على جانب تاني الفيزا ليها مميزات كتير دي انك مش لازم تشيل فلوس ورق معاك وتتعرض للسرق
كمان هتقدر تدير ميزانيتك وتعرف صرفت فلوسك في ايه طول الشهر بشرط انك تستخدم الفيزا بشكل صحيح
كمان الفيزا بتتميز بعنصر الامان اللي مش هتخلي اي حد يخترقها بسهولة