عنده أهم شركة عقارات.. مين هو ياسين منصور ملك العقارات!

رجل الأعمال ياسين منصور محدش بيختلف عليه ده اللي يتقال عليه رجل المستحيل، اي حاجة شغال فيها ميقولش لا والغريب أن أي مجال يشتغله لازم يعمل فيه طفرة ويسيب بصمة قوية فيه، عشان كده قدر أنه يجمع ثروة بمليارات ويبقى من أغنى رجل اعمال في مصر .

منصور بداياته الحقيقية لما اشتغل مع والده ومسك شركة العربيات بتاعته، الشركة كانت ناجحة فعلا بس ياسين اول ما مسك الشركة نقلها في حتة تانية لحد ما بقت اهم شركة عربيات في مصر منصور موتورز اللي لحك دلوقتي اسمها زي الطبل.

بس ياسين كان طموح ومكتفاش بشغل والده بس هو كان حابب يعمل بيزنس خاص بيه وقرر أنه يشتغل في الاكل، واشترى الحقوق الحصرية للعلامة التجارية  ماكدونالدز وبقى هو رئيس مجلس إدارة شركة ماكدونالدز في مصر، وعشان هو بيحب يشتغل في كل ما هو خصر فهو كمان  الموزع الحصري لعلامة السجاير جولواز.

وتقريبا سر من اسرار نجاح ياسين هو شغله الحصري في العربيات والسجائر والاكل لان مفيش منافس ليه، بس النقلة الحقيقية لياسين كانت لما اشتغل في العقارات وخصوصا لما انشئ شركة بالم هيلز اكبر واهم شركة عقارات في مصر اللي لازم تشوف إعلاناتها حواليك وانت في الشارع أو التليفزيون.

الشركة فعلا عملت طفرة كبيرة في سوق العقارات لان منصور كان ايه نظرة وخطة عشان يطور من سوق العقارات في مصر وفي وقت قياسي بالمزنيلز قدرت أنها تعمل، 30 مشروع تجاري و34 مشروع سكني بيخدم أكثر من 70 ألف عيلة، عشان كده الشركة فازت ب9 جوائز عالمية.

وعلى فكرة الشركة السنة دي حققت مبيعات بقيمة 80.2 مليار جنيه مصري خلال الربع الأول من سنة 2025، مقارنة بـ32.2 مليار جنيه في الفترة نفسها من عام 2024، يعني بزيادة 148%.

وفي السنة اللي قبلها مبيعات بالم هيلز زادت ووصلت ل126% عشان توصل ل2.3 مليار جنيه، مقابل 1.04 مليار جنيه في 2023.

طبعا دي ارقام تدرس للمطورين العقاريين الجدد عشان يعرفوا اصول التسويق، لكن عموما ده مش جديد على ياسين، وعموما ياسين لازم يدرس في الجامعات كمان عشان هو الكل يستفاد من خبرته ومشواره في التسويق العقاري والتجارة.

ودلوقتي ياسين  دخل قائمة فوربس لاغنياء مصر بثروة 1.2 مليار دولار، والحقيقة ياسين فعلا يستاهل كل اللي وصله لان رجل اعمال ناجح عارف طريقه فين من غير ما يعتمد على فلوسه والده هو راجل بنى نفسه بنفسه.