هتدخلها فقير وهتخرج منها مليونير.. أغرب حديقة موجودة في العالم!

تخيل كده و انت بتتفسح مع عيلتك في يوم ويدوبك ميكنش معاك غير تمن الخروجه، بس في اخر يوم تبقى واحد من المليونيرات 

لكن ليه تتخيل ده فعلا ممكن يحصلك لو روحت المكان اللي هقولك عليها دلوقتي، مش هبالغ لو قولتلك أن فيه الوفات من زوار المكان ده قدروا أنهم يغيروا حياتهم بسبب اللي لاقوه هناك

وده لان في حديقة موجودة في العالم بتيح ليك تدور على الماس الموجود فيها، الحديقة دي اسمها كريتر أوف دايموندز موجودة في الولايات المتحدة الأمريكية وتحديدا في ولاية اركنساس، ودي من الحدائق العامة هناك 

الغريب في الحديقة دي انك مش هتزورها لمجرد انك ترفه عن نفسك بس لا ده انت لازم تعمل حسابك ويكون معاك المعدات اللازمة عشان تدور على الماس الموجود هناك

والغريب أن أمن الحديقة مش بيمنع اي حد يدور على الاماظ هناك بالعكس ده بيشجع المواطنين عشان يدوروا ويلاقوا كميات كبيرة منه كمان، من غير ما ياخدوا نسبة أو رسوم كل اللي بتدفعه تمن التذكرة

وهي يدوبك 15 دولار للبالغين و7 دولار للاولاد، أما  أسعار دخول الحديقة المائية بتتراوح بين 10 و12 دولار

بداية اكتشاف الالماظ في الحديقة أما كان فيه واحد من  الزوار بيتفسح مع.عيلته وهو ماشي لقى غلاف حلويات بيلمع تحت  الشمس في الاول كان فاكرها حتة حلويات عادية بس لما بص عليها كويس  اكتشف  أنها ماسة باللون البني وزنها 3.81 قيراط  قيمتها بآلاف الدولارات، ومن وقتها والحديقة بقت معروفة بحديقة الماس 

ومن ساعتها والجنينة دي بقت معروفة بحديقة الماس الناس كلها بقت تيجي من كل العالم يدورو فيها على الماس خصوصا أن الحديقة بتسمح للزائرين أنهم يجيبوا معداتهم ويدوروا على الماس زي ما هما عايزين  

ولحد دلوقتي عدد الماسات اللي لاقوها الزوار وصلت ل35 الف ماسة، وخالي بالك انت لو لقيت اي ماسة لازم تروح لموظفين الحديقة عشان تطلع طلب اسمه تحديد الماس وهما هيفحصوها ويوزونها ويطلعوا شهادة بجودتها مجانا

وعلى فكرة الحديقة مليانة معادن تانية  غير الماس زي الدهب مثلا الزوار برضو بيدوروا عليه بس هي مشهورة اكتر بالماس

انت بقى قولنا ممكن في يوم تروح الحديقة دي عشان تدور على الماس.. شاركنا بتعليقك..