الصناعة رأس الحربة في رؤية مصر 2030.. ازاي حلم الـ170 مليار دولار يتحقق
الصناعة.. مش بس مصانع وشغل .. الصناعة دلوقتي هي رأس الحربة اللي هتشق طريق مصر للمستقبل.. حلم كبير بيتحقق على أرض الواقع:
- 100 ألف مصنع جديد
- 8 مليون فرصة شغل
- 170 مليار دولار إنتاج صناعي
- 20% من الناتج المحلي من الصناعة
أحلام التنمية؟ خلاص.. قربت تبقى حقيقة ملموسة .. ورؤية مصر 2030؟ مش هتفضل كلام على ورق
ويبقى السؤال: إزاي نوصل للأرقام الخيالية دي؟ والخطة إيه؟
- أول خطوة: تدشين مدن صناعية متكاملة بتتولد واحدة ورا التانية، زي مدينة كيزاد شرق بورسعيد، اللي هتبقى بوابة ضخمة للاستثمار والتصدير
- تاني خطوة: إعادة تشغيل أكتر من 12 ألف مصنع متعثر بتمويلات وتجهيزات وخطط سريعة عشان نرجّع النبض للمصانع دي.
- تالت خطوة: دعم التصنيع المحلي، وهنا بتيجي مبادرة "بكل فخر صنع في مصر" كأداة رئيسية.
- رابع خطوة: توطين الصناعات المتقدمة.. عربيات كهربا، موبايلات، تكنولوجيا حديثة، كلها هتبقى صناعة مصرية قريب، منها إنتاج 50 ألف عربية في2030.
- خامس خطوة: جذب رؤوس أموال أجنبية باستقرار وحوافز ذهبية، ودلوقتي مصر بتستضيف شركات عالمية زي مرسيدس.
- سادس خطوة: توفير أيدي عاملة بكفاءة عالية من خلال برامج تدريبية بتأهل الشباب وترفع مهاراتهم.
فوق كل دا، فيه تركيز على الصناعات الخضراء والذكية اللي هتدعم توجه الدولة للتنمية المستدامة.
