جاب 51% في الثانوية.. وأقل طقم ييشتريه بربع مليون جنيه.. مين هو حمادة فاروق؟
حمادة فاروق من رجل الأعمال اللي دايما يثيروا الجدل سواء بقى بتصريحاتهم أو إطلالتهم، اللي دايما بتخلي الكل يتكلم عنه
بس رغم كده حمادة من رجال الأعمال التقال اللي قدروا أنهم يعملوا ثروة واسم في مصر والوطن العربي كله وده بعد ما مسك شركة والده موبيكا للاثاث وهو عنده 24 سنة بعد ما اتخرج من كلية إدارة الأعمال وقدر في وقت قياسي يحولها من مصنع صغير وعدد محدود من العمال، لكيان صناعي ضخم، يضم أكثر من 3000 عامل وفيه شبكة من المصانع المتطورة
وده لان كان رجل اعمال ذكي وعنده خطة للتوسع، بدأها لما ضاق خطوط إنتاج جديدة ودخل في شراكات مع شركات عالمية زي مرسيدس بنز وBMW، وده طبعا خلى الشركة قادرة على التنافس عالميا ومركز لدعم الابتكار في مجال الأثاث.
بس انت تعرف انت رغم نجاح فاروق ده الا أنه كان بيواجه صعوبة في التعليم الثانوي، وجتي 51% يس، لكن دعم السيدة جيهان السادات كان نقطة تحول في حياته، لأنها ساعدته يكمل دراسته في الولايات المتحدة وحقق نجاحات كبيرة هناك، وبقر من بين أفضل 1000 طالب في أمريكا في وقت قياسي
عشان كده قرر أنه يستثمر في التعليم وتحديدا التعليم الذكي الذكي، وأسس مدرسة بريطانية ومدرسة تانية أمريكية في مصر
لانه دائما بيقول أن التعليم هو الأساس، واحنا محتاجين نزود الأجيال الجاية بالمهارات اللازمة للمنافسة عالميا، سواء في التكنولوجيا أو في مجالات تانية.
ده كمان كان ليه دور كبير في دعم الشركات الناشئة ورواد الأعمال الشباب من خلال منصته "آي لين"، ويمكن ده سبب اساسي في مشاركته في برنامج شارك تانك اللي من خلاله ساعد شباب كتير في تمويل مشروعاتهم وساعدهم في تحويل أحلامهم لحقيقة
بس من اكتر التصريحات اللي قلبت الدنيا على حمادة لما قال أن الطبيعي الموظف يشتغل 12 ساعة وياخد يوم واحد إجازة، مش 8 ساعات والدليل على كده الصين اللي طبقت النظام ده ووصلت لنهضة اقتصادية كبيرة، ساعتها ناس كتير هجمته وقالت إن مرتب الموظف في الصين غير مصر وفي اللي كان معاه ودعمه بس طلب أننا نزود المرتبات زي بلاد برا
لا وكله كوم واطلالته كوم تاني اللي بتوصل لربع مليون جنيه منهم الجاكيت اللي في مرة ظهر بيه في برنامجه وده كان من تصميم دار لويس فيتون Louis Vuitton وسعره كان 220 ألف جنيه مصري
وفي مرة تانية ظهر بقميص منقوش وساعتها ناس كتير افتكرته أنها بيجاما معمولة من الحرير، بس الحقيقة أنه ده قميص من تصميم دار أزياء لويس فيتون Vuitton الفرنسية، وكان سعر القميص ده 144 ألف جنية مصري، بس حمادة فاروق بيقول أنا اكتر حاجة بحبها لبسي وبحب اصرف عليه
ودلوقتي قولنا رايك في تصريحات الشارك حمادة فاروق؟