كنز على سطح بيتك.. الدراجون فروت فاكهة سعرها يصل لـ1000 جنيه
تعرف إن في كنز حرفيًا بقى بيتزرع في مصر وبيكسب ملايين الدولارات؟! أيوة والله، اسمه الدراجون فروت، أو زي ما بيقولوا عليه فاكهة التنين.
فاكهة شكلها غريب وجميل في نفس الوقت، لونها أحمر أو أصفر، وبيبقى فيها لب أبيض أو أحمر كمان مليان نقط سودة شبه الكيوي كده.
أصلها من دول آسيا وأمريكا اللاتينية، بس الغريب إنها بقت موجودة دلوقتي في مصر، وبتتزرع عندنا وبقت بتكسب جامد جدًا
تخيل إن الثمرة الواحدة ممكن توصل لـ 1000 جنيه.. يعني لو عندك شجرة فيها 50 ثمرة بس في الموسم، أنت كده داخل في 50 ألف جنيه من شجرة واحدة
طيب إيه اللي خلى الدراجون فروت كنز؟
السبب الرئيسي إن دي فاكهة مش منتشرة قوي، طعمها خطير ومزيج من الكيوي والبطيخ كدا وسعرها عالي جدًا برة مصر، فالمصريين بقوا ياخدوها كفاكهة رفاهية، خصوضا الطبقات الراقية والفنادق الكبيرة والمطاعم اللي بتحب تقدم حاجات غريبة وفاخرة.
بس الأهم بقى الدول برة بتتجنن عليها .. يعني مثلا الخليج بيحبها لأنها بتتحمل حرارة الجو .. وأوروبا بتحبها عشان منظرها الغريب وقيمتها الغذائية .. وأمريكا وأستراليا شايفينها فاكهة سوبرفوود
طيب الكيلو بتاعها بكام وهتجيب الدولار ازاي
زمان.. لما كانت مستوردة، الكيلو بتاع الدراجون فروت كان بيوصل لـ 2000 جنيه .. يعني اللي عايز يشتريها كان بيدفع رقم خرافي بالنسبة لفاكهة.. بس بعد ما بدأنا نزرعها هنا في مصر، بقينا نقدر نجيبها بأسعار أرخص شوية في حدود 400 لـ 700 جنيه للكيلو بس برة لسه الأسعار نار
تخيل بقى إنك عندك القدرة تزرعها هنا وتصدرها برة بالدولار .. انت كده مش بس بتكسب من السوق المحلي، لا، انت بتدخل عملة صعبة كمان
يعني مثلا الثمرة الواحدة اللي وزنها ممكن يوصل لـ 500 جرام بيتباع في بعض السوبر ماركتات والمحلات الهاي إند بـ 1000 جنيه
يعني لو عندك شجرة بتطلعلك 50 ثمرة في الموسم، انت كده عندك 50 ألف جنيه من شجرة واحدة بس
الزراعة في مصر.. أسهل من السهل
فيه ناس كتير فاكرة إن زراعتها صعبة أو محتاجة أرض كبيرة… لأ خالص .. الدراجون فروت شبه الصبار وبتحب الشمس والجو الحار .. يعني مبتحتاجش ميه كتير هو بس الري مرتين في الأسبوع وخلاص.. كمان بتكبر بسرعة خلال سنة ونص أو سنتين بتديك أول محصول
بتحب التربة الخفيفة يعني لو عندك شوية رمل وطين، هتعيش وتمام وفيه مزارع دلوقتي في الصعيد والدلتا زرعوها، وفيه ناس حولوها لمشروع مربح جدًا .. وفيه ناس زرعوها حتى على أسطح البيوت شوية قصاري كبيرة، عمود أو دعامة تتسلق عليه، وخلاص
فيا معلم .. السوق المحلي مربح، بس السوق برة أكتر بكتير.. فيه شركات تصدير دلوقتي بتدور على المزارعين اللي عندهم الدراجون فروت، وبيشتروا المحصول كله دفعة واحدة
ويصدروه للخليج زي الإمارات والسعودية والكويت بيطلبوها بأسعار أعلى من مصر والتاجر المصري بياخد تمنها بالدولار، وده مكسب صافي أكتر.
كمان فيه تصدير لأوروبا لأنها بتحب الحاجات العضوية، والدراجون فروت المصرية لو مزروعة من غير كيماويات بتتباع غالية جدًا هناك.. يعني تصدق أن كيلو الدراجون فروت في أوروبا يوصل لـ 10 يورو أو أكتر
وخليني برضو أقولك أرقام تخليك تفكر مرتين قبل ما تقول لأ ؟؟ الفدان ممكن يديك من 15 لـ 20 طن في السنة .. لو الكيلو بـ 500 جنيه بس، يعني داخل على 7 مليون جنيه في السنة من فدان واحد ولو قدرت تصدر برا، المكسب بالدولار يوصل لـ 200 ألف دولار أو أكتر .. يعني يا باشا، مشروع زي ده بيفتحلك باب كنز بجد، خصوصًا مع قلة المصاريف.. مفيش كيماويات كتير .. مفيش ميه كتير .. الشجرة بتفضل تنتج 20 سنة أو أكتر
يعني يا معليم دا مش بس مشروع للفلاحين الكبار، ده كمان مشروع لأي حد عنده حتة أرض أو حتى سطح بيت فاضي.
طيب إزاي تبدأ مشروعك بالدراجون فروت؟
شوف مكان فيه شمس طول اليوم وهات شتلات كويسة سعرها 40 لـ 100 جنيه) وحط عمود أو سلك تتسلق عليه وزاسقها مرتين في الأسبوع وخلي بالك من التسميد العضوي .. خلال سنة ونص هتشوف أول محصول.. وابدأ في بيعه أو التعاقد مع مصدرين
