آيباد هيبقى ماك وترجمة فورية بالفيديو.. آبل تتألق في مؤتمرها السنوي بـ7 مميزات جبارة

مؤتمر آبل 2025 هز الدنيا حرفيا.. جاب 7 مميزات جديدة تقلب السوق.. فتخيل قاعد قدام شاشة وأجهزة آبل بتتحول للوحة فنية، كأنك في فيلم خيال علمي.. تكلم حد من الصين وكلامك يترجم فوري، سواء رسايل أو مكالمات فيديو.. الآيباد بيقلب جهاز ماك اول ما توصله بالشاشة.. غير مفاجآت الموسيقى والألعاب..  بس الحلو مبيكملش، والذكاء الاصطناعي كان الجانب الوحش.. إيه القصة؟ وايه تفاصيلها المثيرة؟

مؤتمر آبل السنوي

يلا نعرف الـ 7 مميزات الخرافية والعيوب الصادمة في الذكاء الاصطناعي

1. وجهة زجاجية سحرية Liquid Glass

آبل جابت واجهة زجاجية لامعة بتخلي نظام آيفون 26، نظام آيباد 26، ونظام ماك تاهو 26 زي لوحة فن.

الأيقونات دايرة، الخلفيات شفافة، والتأثيرات بتتحرك مع لمسك.. الشاشة الرئيسية على الآيفون بقت أسهل، مركز التحكم زي الزجاج، وواجهات الساعة بتتغير حسب الوقت أو إيه بتعمله.

2. تطبيق ألعاب جديد

آبل شالت تطبيق الألعاب القديم game center وجابت واحد مليان حياة بيجمع قوايم المتصدرين، دردشة مع أصحابك، ودعم خدمة ألعاب آبل وسماه  Apple Games.. ومن خلاله تقدؤ تلعب على الآيفون، الآيباد، أو الماك من مكان واحد.. لو بتحب الألعاب، التطبيق ده هيديك إحساس إنك عايش في عالم الألعاب

3. ترجمة فورية في كل حتة

تخيّل تكلم حد من الصين أو أي بلد وكلامك يترجم فوري .. آبل جابت ميزة ترجمة حية في الرسايل ومكالمات الفيديو والهاتف.. لو لابس سماعات آبل، هتترجم الكلام وجهاً لوجه. تدعم لغات كتير زي العربي والإنجليزي، وبتشتغل على الجهاز نفسه عشان خصوصيتك.آيباد زي الماك

4. نظام iPadOS 26 ممكن يخليه كمبيوتر لما توصل شاشة خارجية .. 
 

تفتح برامج كتير وترتبهم بسهولة، مع تطبيق جديد لتعديل ملفات PDF زي الماك. كمان إدارة البرامج المفتوحة بقت أسهل، وده بيخلّي الآيباد جهاز شغل محترف، سواء للتصميم أو المكتب..

بس المشكلة إن المنافسين زي Google وOpenAI بيجروا بسرعة صاروخية، وده خلّى البعض يحس إن آبل "بتتفرج" على السباق بدل ما تشارك فيه.

5. صديقك في  التمارين 

لو بتحب الرياضة، ميزة Workout Buddy في هتبقى في حتة تانية.. بتحلل حركتك وتقترح تمارين مخصصة، وبتختار أغاني تناسب سرعتك وبتتكلم معاك زي مدرب حقيقي، وبتساعدك تحقق أهدافك الرياضية بسهولة.

6. موسيقى آبل أحلى

تطبيق الموسيقى أخد تحديثات جامدة زي ترجمة كلمات الأغاني عشان تفهمها بلغات تانية، نطق الكلمات عشان تغني زي المطرب، وقوايم تشغيل ذكية تتظبط لوحدها.. تقدر تثبت فنانينك المفضلين، مع تأثيرات زجاجية بصرية تحس إنك في حفلة

7. رسم صور ذكي

آبل بتخلّيك ترسم صور بكلامك، زي "ارسملي غابة سحرية"، ويطلعلك صورة فوري.. الميزة بتحافظ على خصوصيتك لأنك لازم توافق قبل أي مشاركة، وبتشتغل في تطبيقات زي الرسايل وجهات الاتصال. مثالية للي بيحبوا الإبداع

طيب ايه حوار عيوب الذكاء الاصطناعي:..إيه اللي زعل المستخدمين والجمهور؟ ..

الحقيقة أن الذكاء الاصطناعي كان زي ضيف وعد وما وفاش.. يعني 5 عيوب صادمة زي

مساعدة آبل لسه نايمة

الكل كان مستني مساعدة آبل (Siri) تبقى ذكية زي المنافسين، بس التحسينات الكبيرة، زي فهم كل حاجة على جهازك أو معرفة إيه على الشاشة، مؤجلة لـ 2026 أو 2027.

ذكاء مش ثوري

ميزات زي الترجمة ورسم الصور حلوة، بس مش جديدة. جوجل وسامسونج قدموها من سنين. وتم وصف الإعلانات بـ محبطة وكتير حسوا إن آبل مش مبهرة في الذكاء.تقنيات صغيرة

آبل فتحت تقنيات ذكاء للمبرمجين، بس حجمها صغير جدًا. كويسة لتلخيص نصوص، لكن لو عايز حاجة معقدة، مش هتنافس تقنيات جوجل أو غيرها.. .مفيش ميزة ذكية مميزة رغم أنها  ذكاء قوية تخلّي آبل تتفوق، لكن اللي جات موجودة عند المنافسين.