من محل بقاله لأكبر إمبراطورية نفط.. مين كارولس سليم أغنى رجل في العالم!
كارلوس سليم من أغنى رجال الأعمال الموجودين دلوقتي وكان أغنى رجل اعمال في العالم من سنة 2010 ل2013، بس هو متولدش وفي يوقع معلقة دهب بالعكس ده بدأ من الصفر
والد كارلوس كان مهاجر لبناني اسمه جوليان سليم بس كان ذكي جدا في التجارة، وفتح محل للسلع الجافة وكسب منه كويس، وبسببه اشترى عقارات كتير وقت الثورة المكسيكية بأسعار رخيصة، ولما الأسعار عليت بقى مليونير، بس هو كان عايز ابنه يكمل المسيرة وعلمه كل كبيرة وصغيرة في شغله لحد ما بقى شاطر ديه رغم أن سنه كان لسه صغير
وبعدها في 2023، دخل بصفقة تقيلة بـ530 مليون دولار، اشترى بيها حقول نفط من ملياردير تاني ولسه ما خلصش بعدها أعلن عن خطة ضخمة تانية بـ1.2 مليار دولار لتطوير حقل غاز في خليج المكسيك
كارلوس سليم اثبت للكل أن السن مجرد رقم يعني ممكن تبدأ في مجال جديد حتى لو سنك وصل 80 سنة المهم تشتغل اللي بتحبه.
بس لما كارلوس بقى عنده 13 سنة مات أبوه، لكنه كمل في شغله، ودرس هندسة مدنية في الجامعة، وكان بيحب الاقتصاد كمان، فدخل كورسات وتعلم كتير
وفي سن ال25 كان كسب حوالي 400 ألف دولار من البورصة اللي قرر أنه يستثمر فيها، وساعتها اول قرار خده أنه يستخدم الفلوس دي في البيزنس وفتح شركته الخاصة للاستثمار
ومن هنا بدأت الإمبراطورية بتاعته وأنشأ شركة "جروبو كارسو" اللي كانت وش السعد عليه، وبعدها بدأ يشتري حصص في شركات كبيرة زي شركات أسمنت، بيع بالتجزئة، وطاقة، وسيارات. وحتى دخل في الإعلام، و اشترى جزء من جريدة نيويورك تايمز
بس أكبر مصدر لثروته كان من شركة الاتصالات "أمريكا موفيل"، اللي مش بس كانت في المكسيك، دي كمان كان ليها فروع تانيه في أمريكا اللاتينية كلها، وحتى أمريكا وأوروبا
سر نجاح كارولس هو أنه كان دايما بيعيد استثمار الأرباح عشان يكبر شغله أكتر وأكتر، لكن مش دايما الدنيا ماشية حلو
سنة 2015 كان تاني أغنى راجل، وبعدين بدأ يتراجع شوية بسبب قوانين الحكومة المكسيكية وضعف عملة البيزو، لكن ده ما وقفوش، وبدأ يدخل في مجال العقارات، وبنى مولات ومباني في المكسيك وأمريكا
والاجمل من ده كله أنه عمل متحف ضخم باسم مراته الراحلة، وفيه أكتر من 70 ألف قطعة فنيه
بس بس في آخر مشواره وهو في سن ال85 قرر انهزيبدء من الصفر ويدخل في مجال جديد النفط والغاز و دخل عالم الطاقة و أول حاجة عملها انه اشترى حصة في شركة أمريكية اسمها "تالوس إنرجي"، وبعدين رجع باعها لوحدتها في المكسيك حركة كده شكلها بسيط، بس وراها تفكير كبير.