100 جنيه غيرت حياته.. مين هو أحمد الباز صاحب مطاعم قصر الكبابجي!
احمد الباز من رجال الأعمال اللي قدروا يعملوا اسم في مجال المطاعم في مصر والوطن العربي، وبقى مطعمه علامة تجارية الكل بيجيلها من كل أنحاء العالم يعني لو روحت تاكل عنده متستغربش لو لقيت اكتر من جنسية موجودة هناك
بس انت تعرف أن احمد اصلا متولدش وفي بوقه معلقة دهب بالعكس ده بدأ حياته من تحت الصفر، يعني مكنش ليه اب ولا اه يساعده الامبراطورية دي كلها عملها بمجهوده وذكائه
احمد اصلا لتولد وسط عيلة كبيرة مكونة من 8 أولاد، وأبوه كان شغال مدير شركة كهربا في السعودية، وأمه كانت ربة بيت، وحياتهم كانت مستقرة بس للأسف والده توفى وهو لسه صغير، فرجعوا على مصر، ومن ساعتها بدأت رحلة أحمد مع التجارة
من وهو في رابع ابتدائي، كان بيشتري حلاوة ويبيعها لصحابه في المدرسة، وبعد كده اشتغل في تجارة العربيات، وبعدها فتح توكيل توك توك في طنطا، بس هو مكنش لاقي شغفه في اي حاجة من دي رغم أن كل شغلانه من دول كان محقق فيهم نجاح محصلش
وعشان كده لما وصل للسن القانوني أخد نصيبه من ميراث والده وكان قيمته 128 ألف جنيه واشترى حتة أرض على طريق مصر إسكندرية الزراعي.د، و قرر يفتح قاعات أفراح، ومعاها مطعم سماه "السرايا" القاعات مشيت بالعافية في الصيف، لكن المطعم فشل
بس هو ما استسلمش وقرر يغير ديكورات المطعم وغير اسمه لـ"الكبابجي" سنة 2016، لكن برضو الإقبال كان ضعيف، بس في يوم أحمد قال إنه ماكانش معاه غير 100 جنيه، وجاله راجل محتاج، فاداله الفلوس كلها بعدها على طول جاله تليفون بطلب 150 وجبة من هنا فهم أحمد يعني إيه "تجارة مع ربنا" ومن يومها قرر يخصص جزء من كل طلب للصدقة.
وبدأ المطعم يسمع اسمه في الغربية ففتح فرع جديد في طنطا، وكان نقطة التحول وبعدها قرر يغير الاسم لـ"قصر الكبابجي"، وفعلا بقى قصر بديكوراته الفخمة وقعداته اللي تفتح النفس
أحمد كمل الطريق، وفتح فرع في التجمع الخامس في القاهرة، وبقى يستقبل نجوم الفن والرياضة، وبقى اسمه معروف على مستوى الوطن العربي كله.
وده شجع احمد أنه يدخل لخط انتاج جديد ويفتح مطعم مضغوط دجاج اللي كسر الدنيا بافتتاحه، الباز وقتها قال انه بيستهدف فتح 100 فرع للمطعم خلال سنتين، يعني كل اسبوعين فرع تقريبا الفروع دي هتوفر 5 آلاف فرصة عمل، وقال كمان أن بعد كده ناوي يتوسع اكتر ويفتح فروع بره مصر
وقال أن كل هدفه هو السعر والجودة عشان تناسب الكل مش طبقة نعينة، ولما أتساءل اسم دجاج مضغوط جه منين قال إن اسم الوجبة دجاج مضغوط ودي نوع وجبة موجودة ومنتشرة بره مصر والعاملين في الخارج عارفينها
ودلوقتي قولنا جربت تاكل في مطاعم احمد الباز ولا لسه.. شاركنا بتعليقك