هتاخد 3500 دولار من أسبانيا.. 7 دول هتدفعلك فلوس مقابل السكن!
انت عارف ان في بلاد مستعدة تدفعلك فلوس، وتديك مزايا رهيبة، بس علشان تسيب بلدك وتروح تعيش عندهم
أيوه الموضوع حقيقي وفيه ٧ دول محتاجة سكان وبتدي حوافز حقيقية للناس اللي عايزة تنتقل تعيش فيها، وناس كتير بدأت تستغل الفرص دي، وتاخد شنطهم ويعيشوا هناك فعلا
أولهم مدينة تشيلي الي بتمنح الفرصة لاي رائد أعمال أو اي حد عنده مشروع ناشئ، وهنا بقى تشيلي هتقولك اتفضل تعالى عندنا
من خلال برنامج بتقدمه اسمه "Start-Up Chile"، وده بقى فيه ٣ مراحل: بناء، إشعال، ونمو و لو اتقبلت عندهم هتاخد حوالي 14 ألف دولار و إقامة لمدة سنة كاملة ومكان تشتغل فيه، وكمان هتلاقي مستثمرين وموجهين يساعدوك تطور شغلك
تاني بلد هي إسبانيا، ودي فيها مدن صغيرة هناك بتعاني من قلة السكان منهم قرية اسمها "بونجا" في الشمال، اللي بتقول للأزواج الشباب خدوا 3600 دولار عشان تيجوا تعيشوا هنا وكمان 3600 دولار تانيين على كل طفل هيتولد في القرية
يعني مش بس هتعيش في مكان هادي وجميل كمان هيبقى فيه دخل إضافي، طبعا ده عرض مغري لأي شاب في بداية حياته
ده حتى إيطاليا الوضع عندهم شبه إسبانيا بس أكثر دراما
مدن كتير في الجنوب بقت فاضية، وعايزين يرجعوها للحياة.
وفيه هناك قرية اسمها "كانديلا" بتعاني من قلة السكان عشان كده طلبت سكان ليها مقابل 950 دولار للفرد و1400 دولار للأزواج الشباب، مش بس كده في مدن تانية ممكن تديك بيت ببلاش أو بسعر رمزي جدا
أنا بقى لو بتفكر تفتح شغلك في أوروبا، أيرلندا مستنياك هتاخد حوالي 1200 دولار وبدون شروط صعبة، أهم حاجة شركتك تكون فيها فكرة واعدة وكمان هتدخل سوق الاتحاد الأوروبي، وده سوق ضخم جدا
وعندك كمان جزيرة سارك، ودي جزيرة مشهورة بالصمت والهدوء والهواء النضيف، الجزيرة دي مش هياخد منها فلوس مباشرة لكن هتديك الأهم من فلوس، امتيازات ملهاش اول من اخر ، يعني مفيش ضريبة هتدفعها لا ضريبة دخل ولا ضريبة أرباح رأس مال ولا ضريبة ميراث و لا ضريبة مبيعات
والاغرب في الجزيرة دي انك مش هتلاقي عربية هناك يا هتمشي برجلك أو تركب حصان، حياة شبه خيالية وبسيطة جدا، يعني لو بتحب الحياة الهادية وتبعد عن الزحمة دي جنتك
وعندك نيوزيلندا ودي كمان محتاجة ناس هناك هتلاقي أكتر من 1500 وظيفة شاغرة خصوصا أن سكانها أقل من 800 شخص ولو نقلت هناك، ممكن تاخد منزل بقيمة 165 ألف دولار أمريكي تقريبا
بس الأولوية للناس اللي عندها خبرة في منتجات الألبان، السياحة، الزراعة، الغابات
كمان اليونان عندها مشكلة نقص سكان، وخصوصا في الجزر البعيدة عشان كده بتقدم للي هيعيش هناك 590 دولار شهريا لمدة 3 سنين، يعني حوالي 21 ألف دولار عتاخدهم في المده دي
لكن فيه شرط بسيط لازم تكون أسرة، وتقدم على البرنامج علشان تنتقل وتعيش هناك
يعني لو انت نفسك تبدأ حياة جديدة، أو تبدأ شغل في بيئة مختلفة، أو حتى تربي عيلتك في مكان هادي وآمن.