توقعات بانخفاض كبير في أسعار الدهب في الميعاد ده.. ايه اللي بيحصل في السوق؟

شركة Citigroup، واحدة من أكبر المؤسسات المالية في العالم، نزلت بتقرير جديد قلب الدنيا، قالت فيه بكل وضوح إننا بنقلل توقعاتنا لأسعار الدهب الفترة الجاية.

 يعني الدهب اللي كان كل الناس بتجري عليه قبل مايزيد الشركة بتتوقع إنه ممكن يوصل لأقل من ٣٠٠٠ دولار للأونصة قبل نهاية ٢٠٢٥ أو مع بداية ٢٠٢٦ وطبعا ده معناه أن السعر ينزل بصورة كبيرة جدا في السوق المحلي

 وده بسبب إن الطلب الاستثماري عليه بدأ يقل، وكمان فيه تحسن واضح في الاقتصاد العالمي.

الشركة اتوقعت أن خلال الـ ٣ شهور الجايين سعر الدهب ممكن يوصل لـ ٣٣٠٠ دولار بدل ما كانت متوقعة ٣٥٠٠،.وعلى مدى من ٦ لـ ١٢ شهر.للتوقع نزل من ٣٠٠٠ لـ ٢٨٠٠ دولار،.يعني باختصار: الاتجاه العام نازل مش طالع

الشركة بتقول كمان إن في الربع التالت من ٢٠٢٥، سعر الدهب ممكن يفضل يتحرك بين ٣١٠٠ لـ ٣٥٠٠ دولار، وده لو السيناريو الأساسي حصل، يعني لو استمرت التوترات السياسية والاقتصادية، خاصة في أمريكا، ومع وجود مخاوف من العجز في الموازنة الأمريكية.

 بس بعد كده في أواخر ٢٠٢٥ وبداية ٢٠٢٦، الأسعار ممكن تبدأ تنزل، وده علشان الطلب الاستثماري على الدهب هيقل ووجود توقعات بتحسن الاقتصاد الأمريكي 

ولو كل ده حصل، شؤكة Citigroup بتتوقع إن الدهب ممكن يوصل لـ ٢٥٠٠ أو ٢٧٠٠ دولار في النص التاني من ٢٠٢٦

عشان كده الشركة اتوقعت سينياريوهن السيناريو المتفائل وده هيحصل (بنسبة ٢٠٪) لو حصلت توترات أكتر في الاقتصاد والسياسة، الطلب على الدهب هيزيد، وساعتها السعر ممكن يعدي ٣٥٠٠ دولار للأنصة

أما  السيناريو المتشائم (برضه بنسبة ٢٠٪) لو الدنيا هديت، والنزاعات التجارية اتحلت، والاقتصاد الأمريكي مشي كويس من غير ركود، الأسعار ممكن تنزل تحت ٣٠٠٠، بس هيتم دعمها جزئيا بمشتريات البنوك المركزية في الأسواق الناشئة

 أما الفضة الوضع مختلف شوية عندها و شايفة إن أسعار الفضة ممكن تطلع لـ ٤٠ دولار للأنصة خلال من ٦ لـ ١٢ شهر

وده بسبب إن المعروض منها قليل، والطلب عليها بيزيد.

يعني لو بتستثمر في الدهب، لازم تبقى واخد بالك إن التوقعات دلوقتي بقت أكتر حذر، لكن السوق فيه سيناريوهات كتير، وقرارك لازم يكون مبني على دراسة .