طيارة خاصة ومجوهرات بملايين.. وزوجها سر نجاحها.. ثروة أحلام!

من سنة 1995 واحلام  بتغني ومكسرة الدنيا ومع السنين، بقت واحدة من أغنى نجمات الوطن العربي، بس السؤال اللي دايمًا بيدور في دماغ ناس كتير يا ترى ثروة احلام وصلت لكام

حسب موقع Celebrity Net Worth بيقول إن ثروتها وصلت لـ 25 مليون دولار، ده غير الطيارة الخاصة بتاعتنا  والعقارات اللي بتمتلكها في أكتر من بلد

بس الأغرب مش الرقم الكبير ده الغريب هو إن أحلام بنفسها قالت في حوار قديم مع نيشان إن أول راتب خادته في حياتها كان حاجة بسيطة جدًا، والمفاجأة إنها كانت دايمًا بتحب تسافر وتشتري من كل مكان، لحد ما جوزها "مبارك الهاجري" قال لها اديني 5 سنين بس ما تصرفيش كتير، وهنقلب حياتنا

وفعلاً وافقت وفضلت 5 سنين كاملة ما بتسافرش ولا بتصرف ببذخ زي زمان، واعتمدت على المجوهرات اللي كانت عندها، واللي على فكرة كانت قيمتها حوالي 10 مليون بس محدش عارف تقصد دولار ولا درهم

وخلال الفترة دي، مبارك استثمر الفلوس دي في عقارات وأراضي في الإمارات وأمريكا، وبنى ثروة ضخمة ليهم هما الاتنين

عشان كده الكل سال زوجها مبارك ازاي قدر يعمل ده وساعتها قال إن سبب كل اللي هو فيه هو دعوة من أمه وقت الحج، لما دعت وقالت يا رب، خلي كل تراب يلمسه مبارك يبقى دهب

وفوق كل ده حب مبارك لاحلام وخوفه عليها وعلى مصلحتها واضح جدا ودايما بيظهر على السوشيال ميديا خصوصا من خلال هدايا مبارك لاحلام اللي قيمتها بتتعدى ملايين عشان بس يراضيها 

لدرجة أنه في مرة جاب لها شنطة مليانه سبايك دهب وساعتها مبارك نزل فيديو وكتب هدية للملكة احلام وده كان بمناسبة عيد ميلادها

طبعا وقتها السوشيال ميديا كلها اتقلبت  بس احلام بعد كده قالت إن ده مجرد هزار ومجلهاش سبائك دهب ولا حاجة دي كانت شيكولاته 

وعشان هو عارف انها بتعشق اللبس والساعات والمجوهرات مبارك فاجئ احلام في مرة بشنطة من ماركة «Louis Vuitton»، واتميزت بشعار الدار المرصع بالماس

وعلى فكرة البراند ده مشهور بجودته وتصميماته المميزة، عشان كده اسعار الشنط بتتراوح بين 2500 و4000 دولار أمريكي، ومرة تانية فاجئهابساعة من ماركة ابل مصنوعه من الماس وكالعادة الهدية قلبت السوشيال ميديا بسبب فخامتها

ودلوقتي قولنا اغلى هدية اشترتها لزوجتك كانت ايه.. شاركنا بتعليقك