ختم اللحمة.. هيخليك تعرف نوعها وجودتها.. وازاي تفرق بينها

أكيد سألت نفسك في يوم من الايام وانت بتشتري لحمة يا ترى ايه أهمية الختم اللي عليها والختم ده عبارة عن ايه ومكتوب عليه اصلا.

عشان كده انا  في الفيديو ده هجاوبك على كل الاسئلة اللي في دماغك.

مبدائيا كده لازم تعرف أن الختم ده بيكون عليه اربع معلومات رئيسية زي تاريخ اللحمة والعلامة السرية والرقم الكودي للمجزر ونوع اللحمة.

تاريخ اللحمة ده بيكون من سبع ارقام من ١ ل٧ يوم ١ يعني يوم السبت و رقم ٧ يعني يوم الجمعه يعني لو لقيت رقم ٦ على اللحمة فده معناه أن تاريخها كان يوم الخميس ولو ملقتش اي ارقام يبقى اللحمة دي مش طازة.

أما نوع الدبيحة فهو بيكتب باختصار ب ق يعني بقري ج ا يعني جاموسي أو ج م يعني جملي وهكذا

و الرقم السري فده خاص بالمكان بتاع اللحمة نيجي بقى للاهم لو لقيت الختم مدور فده معناه أن اللحمة صغير تحت ال٥ سنين ودي معروف أنها أعلى جودة أما لو لقيت الختم مربع فده معناه أن اللحمة كبيرة في السن فوق ال٥٠ سنين ودي جودتها اقل شوية

أما لحم الماعز فهو دائما بيتختم بختم مربع أما لو لقيت لون الختم اخضر ولا بنفسجي فده معناه أن اللحمه مستورده زي اللحمة السوداني

وخالي بالك لو لقيت الختم احمر ومش باين يبقى خالي بالك كويس اوي واتأكد من نوع اللحمة اللي بتشتريها.