الفيلا بـ324 مليون.. أسعار مشروع وادي يم جننت المصريين.. إيه مميزات المشروع؟
دفي نص الساحل الشمالي وعلى مساحة 9 كيلومتر مربع من الفخامة بتتبني دلوقتي في حي اسمه “وادي يم”
ده مش مجرد مشروع سكني، دي مدينة كاملة بمواصفات عالمي وأسعار مش أي حد يقدر عليها.
ايه حكاية المشروع ده واسعاره وصلت لكام وايه مميزاته كل دي تفاصيل هتعرفها معانا دلوقتي
وادي يم
فاكر لما كنا بنروح الساحل بـ 500 جنيه في اليوم ونبات في شاليه 3 أفراد طب تعالى شوف الساحل دلوقتي رايح على فين
مشروع اسمه "وادي يم" شغالة عليه شركة إماراتية اسمها "مدن"، المشروع ده يعتير أول حي سكني فاخر في مدينة رأس الحكمة الجديدة
المشروع مش بس شقق وفيلات ده مدينة فخامة متكاملة فيها كل اللي بتحلم ييه، بس قصاد ده هتلاقي هناك سعر الشقة بتمن فيلا في التجمع مثلا
الشركة أعلنت عن الاسعار واوضحت أن شقة بغرفة نوم واحدة هتبدأ من 15 مليون و900 ألف جنيه ومتوسط السعر حوالي 20 مليون تقريبًا، أما الشقة بغرفتين نوم بتبدأ من 23 مليون وتوصل لـ 30 وال3 غرف من 30 مليون ونص لحد 42 مليون
طيب لو عايز حاجة أعلى شوية فأنت هتلاقي شقة بغرفتين نوم بـ 38 ل 42 مليون و3 غرف ب 53 ل66 مليون.
و4 غرف نوم بتبدأ من 74 مليون وتوصل 90 مليون جنيه
نيجي بقى لأسعار الفيلل هناك هتلاقي الفيلا المكونه من 5 غرف ب162 مليون وال7 غرف من 277 ل324 مليون جنيه
طبعا زمانك بتسال دلوقتي إيه اللي بيخلي الأسعار دي كده؟
اقولك، كل الوحدات هناك بتشتغل بنظام البيوت الذكية وبإطلالات مباشرة على البحر وليها شاطئ خاص، وهناك هتلاقي مسرح روماني وملاعب جولف من تصميم نادي عالمي ونوادي فروسية وممشى ساحلي، وحدائق، ونوادي رياضية
ده غير إن المشروع معمول على مساحة 9 كيلومتر مربع،
و 22% منه مساحات خضراء كأنك عايش في منتجع جوه مدينة طول السنة
بس السؤال هنا تفتكر مين يقدر يدفع مل المبالغ دي في شقة ولا فيلا في الساحل