بيقبض 700 ألف كل شهر.. أغنى 3 شباب في مصر.. جابوا فلوسهم منين!

عارف يعني إيه تبقى عندك 25 سنة وتكون ماسك استثمارات بمليارات طيب عارف يعني إيه تبدأ مشروع بنص مليون جنيه، وبعد سنة يبقى اسمه على بورصة نيويورك

سيبك من ده كله طب سمعت عن الشاب اللي  بيقول أنا بقبض 700 ألف جنيه في الشهر من اليوتيوب؟

دي مش خرافات، ولا حكايات عن ناس في الصين ولا أمريكا دي قصص شباب مصريين، عايشين وسطينا

.بس كل واحد فيهم اختار طريق مختلف ووصل، يلا بينا نعرف قصة كل واحد فيهم 

أغنى 3 شباب في مصر 

تعال نبدأ الاول  بلطفي منصور   ابن محمد منصور، رجل الأعمال والملياردير معروف لكن رغم كده لطفي مش زي ما الناس فاكرة اتولد وفي بوقه معلقة دهب لا  اللي ميعرفهوش ناس كتير ، إن لطفي دخل حياة الشغل من وهو عيل

كان يروح مع أبوه الشغل، يقعد وسط رجال أعمال، يسمع ويتعلم، وعزز ده لما درس إدارة أعمال في جامعة "جورج تاون" في أمريكا، واتخرج منها  سنة 2004

وفي 2007، بقى المدير التنفيذي لمجموعة "مانتراك" يعني الراجل اشتغل على نفسه، ومسك منصب كبير في سن صغير.

بس ده  مكانش كفاية بالنسباله، عشان كده أسس شركة جديدة سنة 2010، سماها "مان كابيتال" وده كان الذراع الاستثماري للمجموعة كلها

ودلوقتي لطفي ماسك شركات بتستثمر في أسهم خاصة، عقارات، ديون، وحتى رؤوس أموال مغامرة.

الراجل كان فاهم هو داخل يعمل إيه من بدري جدًا بس خليني أقولك مش كل قصة نجاح وراها أب بمليارات فيه ناس بدأت من لا شي

زي مصطفى قنديل اللي كان شغال في شركة، وسابها و قرر يعمل مشروع نقل ذكي اسمه "سويفل"، هو و2 من صحابه محمد نوح، وأحمد صباح الاتنين دول بدأوا بنص مليون جنيه، وبعد شهر واحد بس، المشروع خد تمويل، وبدأ يكبر بسرعة خرافية

وفي أقل من سنة الشركة اتقدرت في البورصة بمليار دولار.يعني من مجرد فكرة  لبورصة نيويورك

الشاب ده بيقول أننا لسه عايزين نوصل بقيمة الشركة لـ 15 مليار دولار،.ويحققوا إيرادات سنوية بمليار دولار ده مش بس نجاح ده إعجاز بمقاييس البيزنس في مصر.

بس في قصة تالتة مختلفة شوية، ومثيرة للجدل، وهي حكاية محمود البدري شاب دايمًا بيقول على نفسه: "أنا أغنى شاب في مصر".والناس طبعًا مش مستوعبة ده.

دايما بيظهر  بعربيات غالية جدًا، وساعات وطائرات خاصة،

لدرجة أن من كام سنة ط نزل فاتورة سحور بـ 16 ألف جنيه،

ومرة تانية نشر العيدية اللي خدها من أهله وكانت 17 ألف

والأغرب إن الشاب ده خريج طب أسنان، ودرس إعلام، وبيشتغل في التسويق، وعنده دخل ثابت من اليوتيوب.وفي لقاء تليفزيوني معاه ، قال أنا بقبض شهريًا 700 ألف جنيه من اليوتيوب

الخلاصة أن كل واحد من الشباب دول   عنده ظروف مختلفة، بس في الآخر التلاتة نجحوا، كل واحد بطريقته.

واحد ابن ملياردير بس اشتغل على نفسه، واحد بدأ من الشارع بفكرة، وواحد استخدم السوشيال ميديا عشان يصنع لنفسه اسم وثروة.