مياه من الهوا.. وساعة تمنع الاختراق.. أغرب 4 اختراعات في العالم!

 تخيل تبقى واقف ومحدش شايفك او تبقى لابس ساعة بتطرد أي حد من شبكة الواي فاي ولا تفتح حنفية تطلعلك مياه من الهوا

ده مش خيال ولا مجرد افلام هحكيهالك لا ده واقع واختراعات موجودة فعلا، تفاصيلها هتعرفها لما تابعني لآخر الفيديو ده

اغرب الاختراعات 

خلينا الاول نبدء بدرع الشفافية الدراع ده عملته شركة اسمها Invisibility Shield Co وده بقى  بيخفي أي حد يقف وراه من غير لا بطارية ولا كهربا كله بيعتمد على عدسات قوية جدًا بتكسر الضوء يعني ببساطة النور اللي المفروض يوصل للعين، بيتحول لمكان تاني، فاللي واقف ورا الدرع بيختفي تمامًا

والأغرب إنه معمول من مواد معاد تدويرها وكمان مقاوم للمياه  وسعره بيبدأ من 70 دولار.

تاني  اختراع هو ساعة "دوثر" ودي مش مجرد ساعة ذكية بتقولك الساعه كام دي ساعة اختراق حرفيًا بتشتغل على فكرة بسيطة بس خطيرة بدل ما تشوش الشبكة، لأ بتفصل الأجهزة عنها خالص يعني لو حد متصل بشبكة واي فاي الساعة دي تقدر تفصله عنها بضغطة زر

بس متقلقش، مش بتسرق بيانات ولا حاجة، هي بس بتلعب على نقطة المصادقة بين الجهاز والراوتر يعني الجهاز بيتطرد، بس ممكن يرجع تاني عادي

الساعة دي كمان مش بتأثر غير على الشبكات اللاسلكية، يعني مفيش خطر كبير

اغرب اختراع بقى هتسمع عنها هو اختراع المياه من الهوا وده عملته شركة وده اللي نقدر نقول عليه أنه فعلا معجزة الحقيقية

شركة اسمها جينسس سيستمز عملت جهاز بيحول الرطوبة اللي في الهوا لمياه صالحة للشرب يعني الجهاز يسحب البخار اللي في الجو، يكثفه، ينقيه ويقدمهولك مياه معدنية كده على الجاهز

وفي موديلات بتنتج من 10 جالون في اليوم لحد 1000 جالون يوميًا وكل ده بيشتغل على الطاقة الشمسية أو الكهرباء العادية تخيل قرى كاملة ممكن تتغير بسبب التكنولوجيا دي

وآخر اختراع بقى هو اختراع الشاشة  القابلة للتمدد اللي عملته شركة سامسونج الشركة دي قررت تمشي في سكة مختلفة قدمت شاشة قابلة للتمدد، يعني تقدر تكبر وتتحول كأنها "قبة" وتفرد نفسها تاني الشاشة دي معمولة بتقنية اسمها MicroLED وده معناه ألوان وإضاءة وهمية، وفي نفس الوقت الشاشة مرنة ومش بتتكسر بسهولة

صحيح هي لسه ما نزلتش الأسواق بس متستبعدش تلاقيها قريب في أجهزة موبايل أو شاشات ألعاب

كتير من الاختراعات دي لسه منزلتش السوق ومنتشرش بشكل كبير لكن بعد كام سنة هتنزل وهتغير شكل العالم كله