آيس كريم بـ50 ألف وساندوتش بتمن شقة.. أغرب أكلات المليونيرات!
الدهب دلوقتي مبقاش للبس وبس لا ده للاكل.كمان أيوة دلوقتي الدهب بيتاكل وفيه اكلات كتير كمان بتتعمل منه
زي بيتزا الدهب اللي بتتعمل في مطعم اسمه Industry Kitchen في نيويورك ودي بقى بيتزا معمولة على الحطب
بجبن فخم وكافيار غالي، ومغطيينها برقائق دهب عيار 24 جاية مخصوص من الإكوادور
فيه كمان تاكو الدهب في المكسيك التاكو معمول بلحم بقر ممتاز، متغطي بصوص زبدة بالقهوة، ومعاه كافيار، وجبنة كمأة سودة، وفلفل حراق، وكل ده ملفوف برقائق دهب وسعر الساندويتش 25 ألف دولار انت متخيل.
نروح على الفلبين وهناك الأغنياء بيحبوا السوشي أوي، لدرجة إن في شيف عبقري قرر يزود عليه شرائح دهب أفريقي السوشي ده بيجيلك متغطي بالكامل بورق دهب.
وسعر الطبق 2750 دولار ومن السوشي نروح على الجبنة، فيه ساندويتش جبنة مشوية اتسجل في موسوعة جينيس كأغلى ساندويتش جبنة في العالم. الساندويتش ده بيتقدم في نيويورك، في مكان اسمه "Serendipity 3" عبارة عن جبنة مشوية عادية خالص بس معمولة بخبز فرنسي فاخر، وزبدة فخمة، ومغطيين أطرافه برقائق دهب! سعره 214 دولار يعني بتدفع 10 آلاف جنيه عشان ساندويتش جبنة بس بيبرق.
وأخيرًا، نروح على دبي، مدينة الرفاهية هناك هتلاقي أغلى كوباية آيس كريم في العالم آيس كريم فانيليا، عليه شوكولاتة ومكسرات وفواكه و بيرشوا عليه ورق دهب عيار 23 وبيجي متقدم في كأس من الكريستال وسعره 1000 دولار يعني أكتر من 49 ألف جنيه في كوباية آيس كريم!
ودلوقتي قولنا إيه أغلى اكله كلتها في حياتك؟