من أقوى 10 رجال أعمال.. هشام طلعت مصطفى ملك العقارات في مصر
عمل مدينة في قلب الصحرا، وهيجمع 35 مليار دولار من مشروع واحد، وبنى اكتر من 13 ألف وحدة ومول، ونادي، وفندق وكله في مكان واحد.
وفي سنة واحدة.باع بـ10 مليار دولار ده مش شغل رجل أعمال عادي ده شغل حد بيفكر بحجم بلد، احنا انهاردة بنتكلم عن امبراطور وملك العقارات في مصر هشام طلعت مصطفى
ملك العقارات
فاكرين لما كان الساحل الشمالي مجرد شوية قرى على البحرأو لما كنا بنبص على الصحراء ونقول: "دي أرض ميتة، مين هيسكن فيها فيه راجل جه وكان عنده وجهة نظر مختلفة وقال"أنا هشوف اللي غيري مش شايفه وهبني اللي ما اتبناش قبل كده".
هشام طلعت مصطفى الاسم اللي بقى مرادف للتطوير، والإبداع، والرؤية اللي بتسبق الزمن رجل أعمال مصري، مش بس ناجح لأ، ده صانع مدن وحياة.
هشام أول واحد قرر يبني منتجعات فخمة في الساحل الشمالي، وقت ما الناس كلها كانت بتبص على البحر كفسحة مش أكتر وأول واحد قال "ليه الصحراء تفضل كده.ليه ما نخلقش فيها حياة
وفعلًا قدر يحوّل أرض كانت مهجورة لمدن متكاملة، فيها مساكن، مدارس، خدمات، مولات، نوادي، وفنادق من أعلى مستوى.
عارفين يعني إيه تبني أكبر مدينة خاصة في مصر يعني تشغل مدينة كاملة بإيديك، بخدماتها، بأمنها، ببنيتها التحتية، .
وده بالضبط اللي عمله هشام طلعت مصطفى في مشروعات زي مدينتي والرحاب.
لكن لحظة ده مش كل حاجة هشام كان أول من جاب سلسلة فنادق فورسيزونز لمصر، فنادق 5 نجوم بتنافس على مستوى العالم، وده مش كلام إعلام ده رأي ضيوف من كل حتة في العالم جربوا الضيافة في مصر وخرجوا مبهورين
النهاردة، مجموعة طلعت مصطفى عندها 15 فندق، بين اللي شغالين بالفعل وبين اللي تحت الإنشاء وعشان كده في 2025، فوربس اختارته ضمن أقوى 10 قادة عقاريين في الشرق الأوسط، والمصري الوحيد في المراكز دي وده بعد ما كان ترتيبه السابع سنة 2024 بس في سنة واحدة، اتقدم 3 مراكز كاملة، والسبب مشروع زي ساوث ميد في الساحل الشمالي، اللي بيتم على مساحة 23 مليون متر مربع، باستثمارات أكتر من 21 مليار دولار، وبيستهدف مبيعات حوالي 35 مليار دولار
مش بس كده ده راح كمان للسوق الخليجي، ودخل سلطنة عمان بمشروعين عقاري وسياحي غرب مسقط، على مساحة 4.9 مليون متر مربع،بـ13 ألف وحدة، واتربطوا مع بعض بقطار كهربائي كل ده باستثمار ضخم يوصل لـ1.5 مليار ريال عماني.
إحنا هنا مش بنتكلم عن رجل أعمال ناجح وخلاص إحنا بنتكلم عن صاحب رؤية، عن شخص غيّر شكل التطوير العقاري في مصر والمنطقة كلها.
والأهم من كل ده إنه قدر يبني ثقة حقيقية بين الناس وبين شركته.
وفي 2024، مجموعة طلعت مصطفى باعت أكتر من 29 ألف وحدة، بقيمة تقارب 10 مليار دولار وحققت رقم تاريخي في السوق العقاري المصري بتجاوز نص تريليون جنيه مبيعات لأول مرة في التاريخ.
وفي زمن الناس كانت فيه بتشكك في القدرة على التوسع، هشام طلعت مصطفى كان بيحط طوبة فوق طوبة،
ويبني مش بس مشاريع كان بيبني ثقة، ومستقبل، وبلد.