ما تفوتش الفرصة.. انخفاض كبير في أسعار العربيات بالأسواق

أسعار العربيات بقت في النازل ودي فرصة ما تتفوتش، وده لان الفترة الأخيرة شهدت انخفاض يوصل لـ 20% في بعض الفئات، وده راجع لحاجتين أساسيين حسب تصريحات علاء السبع، عضو شعبة السيارات بالاتحاد العام للغرف التجارية

أولًا زيادة المعروض بشكل كبير، خصوصًا العربيات الصينية اللي دخلت السوق بأعداد ضخمة وموديلات متنوعة، ومع دخول وكلاء جداد حصلت منافسة شرسة أجبرت كل الشركات على تراجع أسعارها.

وثانيًا استقرار سعر الدولار نزوله من فوق الـ 50 جنيه لحوالي 48.5 جنيه خلى تكلفة الاستيراد تقل، وده انعكس مباشرة على أسعار العربيات بنسبة من 3% لـ 4%.

علاء قال إن أكبر الانخفاضات كانت في العربيات الصينية، والسوق حاليًا في مرحلة استقرار، والأسعار بقت منطقية أكتر، والمنافسة الشديدة لأنها خلت هوامش الربح تقل بشكل كبير، وده كله في مصلحة المستهلك اللي بقى قدامه فرص حقيقية يشتري عربية بسعر أفضل 

المرحلة دي ممكن تعتبر واحدة من أفضل الأوقات لشراء عربية في السوق المصري قبل ما المعروض يقل أو الأسعار ترجع ترتفع تاني.