خطط استثمارية بمليارات لإحياء وسط البلد.. العبار هيعمل ايه فيها؟

وسط البلد بكل جمالها وتاريخها اللي كانت زمان مليانة حياة ورونق، النهارده بيخطط واحد من أكبر رجال الأعمال في العالم إنه يرجعها تاني لسابق عهدها.

رجل الأعمال الإماراتي  محمد العبار، اللي استثماراته بالمليارات،  عينه دلوقتي على وسط البلد وقال إنها مش مجرد منطقة، دي قلب الأمة العربية.

العبار أعلن عن خطط توسعية جديدة في السوق المصري، وقال إن وسط البلد في القاهرة ليها أولوية خاصة عنده في استثماراته الجاية. وأكد إنها فرصة استثنائية لمشروعات عمرانية وتجارية وخدمية، تقدر ترجع للمنطقة رونقها ومكانتها. 

العبار وصف وسط القاهرة بـ "قلب الأمة العربية"، وقال إن حلمه إنه يعيد جمالها وتاريخها، واقترح  تأسيس صندوق يضم مستثمرين مصريين وعرب لتطويرها بعقلانية ومن غير ما يكون الهدف أرباح مبالغ فيها. 

وفال إن مصر دولة واعده وحكومتها جادة واقتصادها بينمو بشكل واضح، وده بيعزز الثقة في مستقبل الاستثمار فيها. 

التصريحات دي جات بعد توقيع إعمار مصر وسيتي ستارز اتفاق شراكة مع الحكومة المصرية لإطلاق مشروع مراسي البحر الأحمر على مساحة 10 مليون متر مربع، بحضور رئيس الوزراء مصطفى مدبولي. 

بس تفتكر ممكن نسمع عن مشروعات جديدة في وسط البلد؟