هل الوقت مناسب لشراء عربية جديدة؟

فاكر لما كان مجرد التفكير في شراء عربية جديدة بيخليك تقول استحالة دلوقتي

الأسعار كانت مولعة، والسوق واقف، والمنافسة تكاد تكون معدومة بس المفاجأة إن الأيام دي الوضع اختلف تمامًا

منتصر زيتون، عضو مجلس إدارة شعبة السيارات باتحاد الغرف التجارية، أكد إن سوق العربيات في مصر شهد تراجع كبير في الأسعار خلال آخر 3 أو 4 شهور، وده نتيجة كذا حاجة حصلت في نفس الوقت

 أولًا انخفاض سعر الصرف، وثانيًا تراجع الفايدة البنكية، وثالثًا دخول خطوط إنتاج جديدة في التصنيع المحلي، غير كده كمان فيه وكلاء جداد جابوا علامات صينية كانت لسه ما دخلتش السوق المصري قبل كده.

كل ده خلى المنافسة تشتعل بين الوكلاء، وكل واحد فيهم اضطر يقدم تخفيضات علشان يحافظ على مكانه وما يخسرش عملاءه

والنتيجة أن الأسعار نزلت، واللي كان بيحلم يشتري عربية، النهارده ممكن يكون أقرب للحلم ده أكتر من أي وقت فات.