لو غيرت محل إقامتك.. 5 حالات يسحبوا منك رخصك فورا!
قبل ما تتفاجئ وانت ماشي في الشارع بعربيتك بسحب رخصك لازم تعرف أن قانون المرور محدد حالات واضحة لو عملتها الضابط من حقه يسحب منك الرخصة فورًا
أول الحالات دي لو العربية من غير لوحات أو ماشية بلوحات مش بتاعتها أو متغيرة بأي شكل هنا السحب بيكون فوري.
كمان لو غيرت حاجة في العربية ومبلغتش المرور قبل الفحص الفني، الرخصة بتتلغي من يوم المخالفة، وبرضه لو بعت العربية ومبلغتش عن نقل الملكية خلال 30 يوم الرخصة بتتلغي تلقائي.
ونفس الكلام لو غيرت محل إقامتك أو المسؤول عن العربية ومبلغتش في المعاد.
ولو العربية أجرة شغالة من غير عداد في محافظة العداد فيها إلزامي الرخصة تتسحب، ولو ضبطوك بتستخدم العربية في غير الغرض اللي في الرخصة أول مرة وقف ترخيص 30 يوم، وتزيد المدة لو كررت.
وفي حالة تكرار أي فعل مخالف للآداب جوه العربية مفيش ترخيص قبل 6 شهور.
انت بقى قولنا رايك ايه في قانون المرور