جمعتوا فلوس قد إيه من جمارك التليفونات اللي بتيجي من برا؟.. شريف الكيلاني يرد
قال شريف الكيلاني، نائب وزير المالية للسياسات الضريبية، إن الدولة تعمل حاليًا على تقديم تسهيلات غير مسبوقة لأصحاب المشروعات الصغيرة والمتوسطة، عبر منظومة ضريبية مبسطة وعادلة.
وأضاف الكيلاني،في تصريحات تلفزيونية «أي حد بييجي يقول أنا عايز أفتح مشروع، الدولة بترحب بيه فورًا، وبتديله بطاقة ضريبية ورقم تسجيل، وده بيسمح له يتعامل مع البنوك ويقبض فلوسه بشكل قانوني».
وأوضح قائلا: «المشروعات اللي حجم أعمالها لحد 20 مليون جنيه، الضريبة عليها 300 ألف جنيه بس، يعني 1.5%، بعد ما كانت قبل كده ممكن توصل لـ27%، وده رقم بسيط جدًا، لأن الدولة بتبص لقدّام وعايزاه يكبر مش يتكسر».
وأكد أن القانون لن هيفحص أي مشروع قبل 5 سنوات بنظام الضريبة المقطوعة، علاوة على تخفيف خفف الأعباء، منوها أن إقرار المرتبات بقى مرة واحدة في السنة بدل شهري، وضريبة القيمة المضافة كل 3 شهور بدل كل شهر.
وكشف الكيلاني: «الحزمة التانية من التسهيلات الضريبية هتطلع بالكامل ما بين شهر 5 و6 الجايين، وفيها قرارات وتشريعات جديدة، أهمها تسريع رد ضريبة القيمة المضافة خلال 4 أو 5 أيام للممولين الملتزمين ضمن القائمة البيضاء، مؤكدًا إن الدولة ردت السنة اللي فاتت 7.2 مليار جنيه، والرقم ده هيزيد الفترة الجاية».
وردا على سؤال «جمعتوا قد إيه فلوس لحد دلوقتي من التليفونات اللي بتيجي عبر الجمارك؟» اختتم قائلا: معنديش الرقم بالظبط بس في الأرقام يا فندم ما بين قبل ما نطبق المنظومة وبعد ما طبقنا المنظومة مفيش مبتقدرش تقارنها طبعاً، وبعد ما طبقنا المنظومة كمية الجمارك اللي ادفعت على التليفونات كبيرة جداً بس أنا مش متذكر الرقم الحالي».
