فاطمة غالي: كل قطعة لها قيمتها.. والحياة ليست مسألة توازن بل أولويات متغيرة

روت فاطمة غالي، ابنة الفنانة والمصممة عزة فهمي، ذكريات مهنية عن بداياتها في عالم الحلي، مشيرة إلى أهمية كل قطعة عملت عليها، وقالت في برنامج رحلة المليار: "من صغري وأنا شايفة إن كل قطعة ليها قيمة".

فاطمة غالي تكشف ذكرياتها مع والدتها عزة فهمي في "رحلة المليار"

وتحدثت فاطمة عن أول عقد شاركت فيه، الذي كان لصالح طنط فريدة العلاقي، وذكرت موقفًا مميزًا: "كان في عقد، والبنت اللي بتلضمه ضمّت نص العقد وقالت لي: تعالي إنتي ضمي النص التاني، وضمّيت النص التاني، كنت حاسة إن القطعة دي هتروح محل مش هتترمي، وما فرّطتش فيها". 

وأضافت: "فاكرة مين العميلة وفاكرة العقد كان شكله عامل إزاي، واتباع تمام".

وعن التوازن بين العمل والحياة الأسرية، قالت فاطمة بصراحة: "الكلمة دي بتموتني.. مفيش حاجة اسمها توازن، في أولويات بتتغير. الحياة زي الراجل اللي في السيرك.. دايماً في كورة بتقع".

تسلط تصريحات فاطمة الضوء على التربية العملية التي نشأت عليها، وعلى فلسفة والدتها في تعليم العمل الجاد والاعتماد على النفس، مع إدراك أن الحياة مليئة بالتحديات والتغيرات المستمرة.