300 و350 جنيه للفرد.. ملامح النظام الجديد للدعم التمويني
الدعم التمويني داخل على تغيير كبير في شكله وطريقة صرفه، بعد ما طُرح مقترح تحويله لكارت ذكي بدل الفلوس الكاش، يتيح للمواطن شراء حوالي 30 سلعة أساسية.
التصورات الحالية بتتكلم عن دعم للفرد يتراوح بين 300 و350 جنيه، مع تقسيم المستفيدين لـ4 فئات، من اللي هياخدوا الدعم كامل لحد فئات ممكن تخرج من المنظومة بعد تنقية البطاقات.
وكمان فيه اتجاه لربط قيمة الدعم بالتضخم، مع بحث تقديم سلال سلع زي “شنطة رمضان”، في محاولة لإعادة ضبط منظومة التموين بشكل أوسع.
