20 مليون شقة مقفولة.. هيدخلها الأجانب؟
الحكاية مش تغيير سكاني، الحكاية كلها "أكل عيش".. ده الملخص اللي قاله الإعلامي عمرو أديب وهو بيأيد فكرة السماح للأجانب بتملك العقارات والأراضي في مصر عشان السوق يصحصح والعملة الصعبة تدخل البلد.
الكلام كله على حوالي 20 مليون شقة وعقار مقفولين فوق بعض، ودول بيعتبروا ثروة مدفونة ومعطلة لو اتفتحت للأجانب، العجلة هتدور وهتنشط معاها أكتر من 90 قطاع واقتصاد مرتبط بالبناء والتشطيب، وهتفتح بيوت ناس كتير بفرص عمل جديدة، وزي ما بيقولوا كفاية تطفيش في الزباين، خصوصاً إن دول كبار زي دبي، والرياض، ولندن عملوا كده والفلوس جرت في إيديهم والمكاسب بقت بالكوم.
