رئيس مجلس الإدارة
مدحت بركات
رئيس التحرير
محمد الشواف
ads
ads

طلاب "طب الزقازيق" يتبرعون بمليون و200 ألف جنيه لشراء مستزمات للمستشفى الجامعي (صور)

الثلاثاء 26/نوفمبر/2019 - 01:06 م
طلاب طب الزقازيق
طلاب طب الزقازيق
محرر الاستدامة والتمويل
طباعة

لا تقتصر المسئولية المجتمعية على المؤسسات فقط بل يقع على عاتق الأفراد مهمة قد تكون ثقيلة أحيانا، وهناك الكثير من الأفراد يبادرون إلى فعل الخيرات.

 

وضرب طلاب كلية الطب جامعة الزقازيق المثل الأعلى في التضحية والإيثار والمبادرة في فعل الخير، حيث أشتركت دفعات 2020 و2021 و2022، و2023، في جمع تبرعات بقيمة مليون و200 ألف جنيه لشراء مستلزمات غير متوفرة بالمستشفى الجامعي.

 

وقال الطالب "أشرف خطاب": "الدكاترة شغلهم وتدريبهم كلهم بيكون زي باقي دفعات كلية طب فى المستشفي الجامعي الحكومي.. وطبعاً زي ما كلنا عارفين حال المستشفيات الحكومية اللي فيها عدد الناس اللي عايزين يتعالجوا، وده غير قوائم الإنتظار اللي مش بتخلص، وأكيد إتكرر كذا مرة إن بسبب قلة عدد السراير والأجهزة فيه ناس كتير بتموت".

 

وأضاف خطاب: "قررنا مع باقي زمايلنا فى الدفعة جمع فلوس عشان شراء أجهزة ناقصة للمستشفي الجامعي وتجاهلنا كلمات مثل يا عم إنت مالك إنت وهما، هو مش فيه إدارة للمستشفي والجامعة هما اللي المفروض يعملوا ده؟"..

 

وتابع: "طيب وهو الطبيعي إني لما أشوف واحدة بنت بتتخطف فى الشارع أقف أتفرج عليها وأقول ده دور الشرطة؟.. وهو الطبيعي لما أشوف واحد خابطاه عربية أقول لما تيجي الإسعاف تبقي تسعفه؟.. وهو الطبيعي أقول وأنا مالي.. إحنا بنعمل اللي علينا وبنحاول نعمل ونسد ونزق باللي نقدر عليه.. مش هنسيب الناس تموت يعني".

 

وتم تجهيز المستشفى الجامعي بالزقازيق بجهازين غسيل كلوي، وجهازين تنفس صناعي، وجهاز منظار للمعدة، و٤ أسرة للعناية المركزة.

هل تعتقد تحسن المنظومة الطبية في مصر بعد زيادة مرتبات الأطباء وجهود الدولة في الحفاظ على صحة المصريين؟

هل تعتقد تحسن المنظومة الطبية في مصر بعد زيادة مرتبات الأطباء وجهود الدولة في الحفاظ على صحة المصريين؟