شقى عمرك هيضيع.. تحذير عاجل من الرقابة المالية للمواطنين!
بتقابلك اعلانات كتير لشركات تستثمر فيها فلوس، لحد ما اقتنعت وهتطلع اللي تحت البلاطه عشان ياخدوهم
يبقى خالي بالك كويس اوي قبل ما تحط القرشين اللي انت حوشتهم في الشركات دي
لان غالبا الشركات دي مش مرخصة يعني جايز جدا تاخد فلوسك ومتعرفش تطولها تاني
وعلى فكرة الموضوع ده انتشر بشكل كبير جدا الفترة الأخيرة وناس كتير أضحك عليها من الموضوع ده
عشان كده الحكومة اتدخلت والرقابة المالية نزلت بيان عاجل حذرت فيه كل المواطنين من أنهم يمشوا ورا بعض الأفراد ولا الجهات
اللي بيروجوا لنفسهم في صفحات السوشيال ميديا ومنصات إلكترونية للاستثمار في أدوات ومنتجات مالية
أو أنهم ياخدوا فلوس أموال الاستثمار بالمخالفة للقوانين المصرية، وطبعا ده ممكن يعرضك للخطر والمسألة القانونين
وعلى. فكرة اللي خلى الهيئة دي تتكلم انها رصدت مؤخراً منصات واعلانات الكترونية بتدعي المواطنين للاستثمار واخد أموال بغرض استثمارها
كمان لقت أن فيه منصات بتقدم تمويل بدون ترخيص، طبعا كل ده هيعرضك للنصب أو احتيال
وطبعا مش تاخد حقوقك تاني لان ببساطة مفيش اي رقابة عليهم
وعموما يا سيدي لو انت عايز تستثمر فلوسك مفيش مانع بس اتاكد الاول أن الجهة دي مرخصة وده سهل تعرفه لو عملت سيرش بسيط عن الجهة دي
ودلوقتي شاركونا في تعليقاتكم عمرك اتعرضت للنصب قبل كده؟