بيعمل ساعاته من الياقوت والألماظ.. أسعار ساعات محمد صلاح هتفاجئك

محمد صلاح قالب الدنيا كلها بعد تتويجه بالحذاء الذهبي ولقب هداف الدوري الانجليزي، بس عموما ده مش جديد على صلاح هو من زمان لاعيب شاطر ودايما بيفاجئنا بجوايزه

بس اللي خلى الناس تتكلم اكتر عنه لما صلاح ظهر من كام يوم خلال احتفالات النادي بساعه قيمتها تعدي ملايين

الساعة ساعة سويسرية من ماركة ريتشارد ميل "RM 30-01" ميزتها انها بتشتغل بشكل أوتوماتيك

وحسب موقع ريتشارد ميل الساعة مصنوعة من  التيتانيوم من الدرجة الخامسة، وهي عالية المقاومة للتآكل، وصلبة وده بيخلي التروس تشتغل بسلاسة، كمان محرك الساعة فيه 38 حجر صناعي و55 ساعة احتياط.

أما بالنسبة لسعرها فده المفاجأة سعر الساعة بيتراوح من 
 300 ألف دولار يعني 15 مليون جنيه ل360 ألف دولار يعني 18 مليون جنيه مصري

وعموما الساعة دي متجيش حاجة في ساعات صلاح اللي قيمتها أعلى من كده بكتير منهم الساعة اللي ظهر بيها أثناء توقيعه عقده الجديد مع نادي ليفربول

ودي برضو كانت من انتاج شركة "ريتشارد ميل" السويسرية ، وتحديدًا موديل Tourbillon Titanium، ودي سعرها  725,000 جنيه إسترليني، وبالمصري  50 مليون جنيه  

الساعة مصنوعة من التيتانيوم عالي الجودة معنى كده أنها ضد الصدأ والتأكل، وبتتميز بتصميمها العصري والكلاسيكي، ويمكن السبب في ارتفاع سعرها أن مكنش في منها غير 70 ساعة في العالم، بس بعد كده الشركة أنتجت منها عدد لا محدود

مش بس كده صلاح كمان عنده ساعة ماركة Ulysse Nardin Freak Lab" مصنوعة من الذهب الأبيض عيار 18 قيراط، الساعة دي تمنها 50 الف دولار يعني 2 مليون و500 الف جنيه، والسبب في ارتفاع سعرها أن مفيش منها غير 99 قطعة بس في العالم

وعنده ساعة من أوديمار بيجيه رويال أوك أوفشور سعرها 20 ألف دولار، يعني مليون مصري، الساعة دي اتصممت مخصوص لصلاح ولبسها لما اتسلم أفضل لاعب إنجليزي من لجنة الكتاب الإنجليزية، وعنده ساعة تانية من نفس الماركة  بسعر 148 ألف دولار يعني   مليون ونص تقريبا

كمان صلاح اشترى ساعة من ماركة هوبلوت بيج بانج يونيكو سافير ودي سعرها 67 ألف دولار يعني 4 مليون تقريبا  الساعة دي بقى معمولة من الياقوت الصناعي اللي بيكشف عن كل  اجزاء  الساعة من كل زاوية عشان تناسب ذوق صلاح

وعنده ساعة أورويرك-105 CT ستريملاينر وسعرها 57 ألف دولار أو 3 مليون مصري، الساعة دي بقى من الساعات العملية واللي بيفضلها صلاح