بيلعب بالفلوس لعب.. باسل سماقية امبراطور القطن في مصر
عمرك سالت نفسك في يوم من الايام ياترى مين صاحب محلات قطونيل اللي مغرقة شوارع مصر، كل انت تعرف أن صاحب الإمبراطورية دي كلها رجل اعمال سوري قرر أنه يبدء حياته في مصر
صاحب الإمبراطورية دي هو باسل سماقية اغني سوري في مصر، الراجل اللي قدر في وقت قليل يعمل اسم ليه في مصر والعالم العربي
باسل بدأ حياته من التمانينات لما والده قرر يسيب سوريا ويجي هو وعياله مصر عشان يبدأو يشتغلوا في الغزل والنسيج وفعلا عملوا شركة كبيرة لكن بعد شوية حصل خلال بينهم واتقسموا لشركتين باسل عمل شركة قطونيل ووالده واخوه اسسو شركة الامبراطور
والنهارده منتجات الشركتين بقت بتوصل لمعظم أسواق العالم، وده لأنهم معروفين بجودة شغلهم، وبيعتمدوا على أحدث الماكينات الأوروبية، خصوصا الألمانية، وكمان شغلهم كله ماشي على معايير أوروبية دقيقة جدا
اللي اتنين بقوا مسيطرين على السوق بشكل كبير، وعندهم دلوقتي آلاف المحلات ومنافذ البيع في أغلب محافظات مصر، وبيشتغل معاهم آلاف العمال
بس رغم إن باسل أصله سوري، لكنه واحد من أكبر المتبرعين الأجانب لصندوق "تحيا مصر"، وكان نفسه ياخد الجنسية المصرية
وفي سنة 2016، طلع في برنامج "هنا العاصمة" على قناة CBC، وقال إنه بيؤيد مشروع قانون بيتيح للمستثمرين الأجانب إنهم ياخدوا الجنسية المصرية مقابل وديعة بالدولار، وقال كمان إن أولاده الأربعة اتولدوا في القاهرة، بس لسه ما خدوش الجنسية وقتها، وحاسين بالغربة في بلدهم
عشان كده في سنة 2021، صدر قرار رسمي من رئيس مجلس الوزراء بمنح الجنسية المصرية لباسل، واتنشر القرار في الجريدة الرسمية. وبعدها بسنة بنته "فلك" كمان خدت الجنسية المصرية
وداما في سنة 2017، باسل زود حصته في شركة النصر من حوالي 20% لـ24% تقريبا، واشترى 13.37 مليون سهم بقيمة 14.5 مليون جنيه، يعني السهم كان بحوالي 1.09 جنيه
بس ده طبعا ممررش مرور الكرام وناس كتير كانت ضد ده واتقدمات ببلاغات لرئيس جهاز حماية المنافسة ومنع الممارسات الاحتكارية، لانه كده بدا يستحوذ على شركة منافسة في نفس الصناعة؛ وده معناه احتكار سوق الملابس القطنية
وبالمناسبة في البلاغ اللي اتقدم لسماقية قالوا فيه انه اللي بيعملوا ده كان بمساعدة موظفين، بشركة النصر لصناعة الملابس والمنسوجات خصوصا وأن والده يملك شركة “الإمبراطور” يعني معظم محلات الملابس القطنيه في مصر مملوكه لعيلة واحدة بس
ودلوقتي قولنا شايف أن باسل ممكن يرجع بلده سوريا ولا يكمل استثماراته في مصر.. شاركنا بتعليقك...