ايه أحسن استثمار لفلوسك وقت الأزمات.. ابعد عن البورصة للسبب ده!

كل شوية نسمع عن أزمة جديدة، أسعار بتغلى، دولار بيزيد، دهب بيطير، والناس واقفة مش عارفة تعمل إيه، عشان كده  كلنا دلوقتي بنسأل نفس السؤال

ايه احسن استثمار تأمن بيه مستقبلك وقت الازمات عشان فلوسك قيمتها متقلش

والحقيقة أن فيه اكتر من حاجه تستثمر فيها فلوسك زي الدهب أو العقارات أو الشهادات البنكية، بس ياترى ايه احسن استثمار فيهم  ومين يقدر يحافظ على قيمة فلوسك؟

علي الإدريسي الخبير اقتصادي قال مفيش حل واحد ينفع لكل الناس كل واحد على حسب ظروفه، يعني معاك قد ايه ومستعد تستثمر لحد  معاه قد إيه؟ 

لكن، عمومًا الدهب دايمًا في المقدمة وده لأن العالم كله  حتى البنوك الكبيرة بقت تشتري دهب بكميات ضخمه، يعني لما تشتري دهب، كأنك بتحط فلوسك في خزنة صعب حد يفتحها

سواء بقى اشتريت سبيكة كبيرة أو حتى جرامين دهب.. هتلاقيهم ليهم قيمة بعد كده.

ده حتى ناس كتير بدأت تستثمر فيها الفضة خصوصا أن سعرها بيزيد في الأزمات، لكن طبعا مش بنفس قوة الدهب، لكن لو معاك مبلغ صغير ومش قادر تجيب دهب، الفضة ممكن تكون بديل كويس

نيجي بقى للعقارات اللي كانت في مصر وسيلة أمان، بس مش أي عقار، لازم يكون في مكان كويس وله قيمة بعد كده.

يعني متشتريش شقة في حتة مش معروفه وتقول دي استثمار

أما الشهادات البنكية فناس كتير بتروح للبنوك وتربط فلوسها في شهادات بعائد ثابت بس خلي بالك من حاجة

لو البنك بيديك 20% فوايد، والتضخم في البلد 30%، يبقى إنت كأنك بتخسر 10% وانت مش واخد بالك يعني أنت بتكسب رقم على الورق، بس في الحقيقة قدرتك على الشراء أقل عشان التضخم ليزيد بشكل أسرع 

وعلى فكرة البورصة فيها فرص، وممكن تكسب جامد منها

بس في نفس الوقت فيها مخاطرة، وممكن تخسر كل حاجة لو مش فاهم فيها أو دراسها لأنها محتاجة متابعة، ومعلومات، يعني ماتلعبش فيها لو مش مستعد

من الاخر لو معاك مبلغ وعايز أمان اشتري دهب أو فضة.أو حط فلوسك في عقار كويس ولو بتحب العائد الثابت ومش حابب تغامر شهادة بنكية ممكن تمشي، بس متتوقعش منها مكسب كبير .