واحدة جمعتها من السوشيال ميديا والتانية من الخيل.. أغنى مليارديرات في العالم

النهاردة هاحكيلك عن أصغر المليارديرات البنات في العالم قصصهم هتخليك تراجع كل أفكارك عن النجاح، وتبدء وانت عندك امل انك هتبقى زيهم واحسن كمان

وخلينا الاول نبدء بكايلي جينر أمبراطورة الإنستجرام

كايلي جينر، اتولدت سنة 1997، بس وهي عندها 21 سنة كانت بقت تقريبا أصغر مليارديرة في العالم، ودلوقتي عندها أكتر من 300 مليون متابع على إنستجرام، وعرفت تستخدم الشهرة دي صح

طب ازاي؟

بكايلي فتحت بيزنس تجميل باسمه Kylie Cosmetics، ومن أول يوم الناس بتقف طوابير عندها، والمنتجات بتخلص في ساعات، يعني بشوية ذكاء وشهرة وإنستجرام، عملت إمبراطورية وجمعت ثروة وصلت 900 مليون دولار تقريبا

أما الاختين  ألكسندرا وكاثرينا أندرسن فهما من مواليد 1996 و 1995، الاتنين استلموا أسهم ضخمة في شركة العيلة اللي شغالة في الاستثمارات والعقارات

يعني بقوا مليارديرات وهم لسه في سن المراهقة، بس هما مكتفوش بكده بس وعملوا بيزنس خاص بيهمظ واشتغلوا في الخيول  

ورغم إن الفلوس جت من ورث يعني بكل سهولة بس البنات دول ماسكوا البيزنس بجد، وبيطوروا فيه وبقوا يكبروا فيه كل يوم عن اللي قبله 

المليارديرة التالتة هي إليزابيث فورتوينجلر بنت ألمانية، اتولدت سنة 1993، عندها نسبة 25٪ في واحدة من أكبر شركات الإعلام في أوروبا "Burda Media"، اللي عندها أكتر من 600 موقع ومجلة

وعندك كمان ليزا درايكسلامير  ودي مجنونة عربيات بتفهم فيهم أكتر من أي ميكانيكي، ليزا مولودة سنة 1991، وبتدير مع والدها شركة عائلية متخصصة في تصنيع قطع غيار العربيات

الشركة دي بدأت سنة 1958 بطلب بسيط ودلوقتي بتشتغل مع BMW، مرسيدس، وكل العلامات الفخمة، وفي سنة 2019  الشركة عملت 5 مليار دولار أرباح

واخر بنت هنتكلم عنها هي ويتني وولف هيرد اللي قلبت السوشيال ميديا رأسا على عقب، ودي بقى غير أي حد في اللي فاتوا

ويتني كانت شغالة في Tinder كنائبة رئيس وسابتهم، وراحت أسست تطبيق اسمه Bumble

فكرة التطبيق ضربت، والتطبيق حقق ملايين المستخدمين، ولما الشركة دخلت البورصة، ويتني كانت أصغر مليارديرة عصامية ثروتها وصلت ل2 مليار دولار

يعني لو بتفكر تعمل بيزنس انت شايف انك هتكون مختلف فيه وهتقدر تحقق نجاحات فيه خد الخطوة متخفش يمكن تبقى واحد من المليارديرات اللي بنسمع عنهم مهما كان سنك