رايح على فين يا دولار.. آخر تطورات سعر الدولار .. وتوقعات الجنيه المصري في 2025

السؤال اللي كل الناس بتسأله دلوقتي هو: إيه اللي هيحصل للجنيه المصري قدّام الدولار؟ .. هل الجنيه هيرتفع زي ما شوفتها الأيام اللي فاتت ؟ ولا الدولار هيرجع لقوته؟

من أول السنة، الدولار بدأ يضعف شوية عالميًا قدّام عملات كتير، خصوصًا بعد ما بنك الاحتياطي الفيدرالي الأمريكي لمح إنه ممكن يقلل الفايدة قريب.

ده طبعًا بيدّي فرصة لعملات تانية، زي الجنيه، إنها تتحسّن شوية.

كمان في مصر، فيه إشارات إن الجنيه ممكن يثبت أو حتى يتحسّن تدريجيًا في النصف التاني من 2025، وده بسبب 3 حاجات:

1- زيادة تدفقات الدولار من السياحة، والاستثمارات الأجنبية المباشرة وقناة السويس، وتحويلات المصريين بالخارج.

2- الدعم من صندوق النقد الدولي، ومؤسسات دولية أخرى، وده بيركّز على إصلاحات اقتصادية ممكن ترفع ثقة المستثمرين.

3- استقرار سوق الصرف.

ومؤخرا توقع محللون ومؤسسات دولية أن الجنيه ممكن يوصل لمستويات بين 45 لـ 47 جنيه للدولار قبل نهاية السنة، لو فضل الوضع العالمي مستقر.

لكن خلّي بالك، كل ده مرتبط بحاجة واحدة مهمة جدًا:

هل الحكومة هتقدر تحافظ على الاستقرار؟ وهل هيتم تنفيذ الإصلاحات؟

لو ده حصل، ممكن نبدأ نشوف تحسُّن تدريجي.

ولكن لو حصلت هزّات عالمية أو حصل تأخير في الخطط الاقتصادية، الدولار ممكن يرجع يضغط على الجنيه تاني.

وفي الآخر، زي ما دايمًا بنقول:

السوق بيتغيّر كل يوم، وقرارك لازم يبقى مبني على متابعة مستمرة مش توقعات بس.