ثروته وصلت لرقم خيالي.. وحاجة واحدة بيحب يستثمر فيها.. ثروة محمد صلاح!

طبقًا لمجلة Forbes، ثروة محمد صلاح وصلت لـ53 مليون دولار، وده طبعا رقم ضخم بس الأغرب إنه مش جاي كله من الكورة

صلاح بيقبض من نادي ليفربول حوالي 35 مليون دولار سنويًا، وده بيخليه اللاعب الأعلى أجرًا في النادي حاليًا، العقد ده وقعه سنة 2022، وهيفضل مكمل بيه لحد صيف 2025.

لكن اللي فعلا بيميز صلاح، إنه بيعرف يستغل اسمه صح بدليل انه عنده عقود رعاية بتدخل له حوالي 18 مليون دولار سنويًا، مع شركات كبيرة زي  أديداس، بيبسي، غوتشي، وفودافون مصر، وغيرهم كتير 

مش بس كده هو كمان وشه معروف جدًا في اعلانات  البنوك، وشركات العقارات، ده حتى لعبة فيفا  ظهر فيها كواحد من نجوم العالم، و هو بنفسه قال: "أنا في فيفا أقوى من الحقيقي."

لكن رغم كل ده، صلاح عايش بطريقة بسيطة جدًا

عنده  عربية "أودي Q7" سعرها حوالي 53 ألف دولار، وبيسوق كمان "تويوتا كامري"، عربية اقتصادية جدًا بالنسبة لحد بثروته

وعلى فكرة صلاح عنده مجموعة عربيات تانية فخمه بس مش بيظهر بيها كتير زي كونتيننتال جي تي وسعرها 160 ألف جنيه إسترليني، يعني 11 مليون جنيه تقريبا، ودي احدث عربية ضافها صلاح لاسطوله، وعلى فكرة العربية دي من اكتر العربيات اللي بيشتريها لاعيبة الكورة على مستوى العالم 

صلاح كمان عنده عربية لامبورجيني  أفينتادور ودي ب271 ألف جنيه إسترليني يعني 17 مليون  جنيه مصري، وعنده كمان عربية AMG GLE كوبيه ودي اشترها صلاح ب65 ألف جنيه إسترليني يعني 4 مليون جنيه تقريبا 

واشتري نوع تاني من المرسيدس SLS AMG رودستر - بسعر 176 ألف جنيه إسترليني 11.017.000 مليون، وعربيتين تانين اودي كيو وتويوتا كامري

 يعني تقدر تقول فلوسه كتير، بس مش بيحب يستعرضها

ثروة صلاح مش بس أرقام في البنك ده بيستثمر في نفسه، وفي صورته، وبيصرف جزء كبير منها في أعمال خير، زي التبرع لمستشفيات ومدارس، وتجهيز وحدة إسعاف كاملة لقريته، ويمكن ده هو سر حب الناس لمو صلاح