قبل ما تشتري موبايل.. 5 حاجات تقارن بينهم عشان متندمش

قبل ما تشتري موبايل جديد وتدفع فيه رقم كبير، استنى دقيقة… لأن في 5 حاجات لازم تبص عليهم وتقارن بينهم، عشان ماتقولش بعد كده "ياليت اللي جرى ما كان.

أول حاجة: المعالج.. ده عقل الموبايل، لو ضعيف هتلاقي الجهاز بيهنّج حتى لو لسه طالع من العلبة.. فممكن تشوف تقييم الأداء في مراجعات اليوتيوبرز.

تاني نقطة: البطارية.. لو أقل من 4500 ملي أمبير، هتعيش على الشاحن. كمان شوف قدرة الشحن السريع… لازم تكون 25 وات أو أكتر عشان ما تستناش ساعتين كل مرة.

نيجي للكاميرا، ودي تالت نقطة. ماتنخدعش بعدد الميجابكسل.. اللي يفرق هو جودة الصورة في الإضاءة الضعيفة، والتثبيت، والزوم الحقيقي.. بص على الصور بنفسك، متسمعش بس كلام الناس.

رابع نقطة: المساحة والرام. أقل من 8 جيجا رام و128 مساحة؟ هتندم! خصوصًا لو بتفتح برامج كتير أو بتصور فيديوهات كتير.

خامس حاجة وآخرها: الدعم والتحديثات. فيه موبايلات بتنزل، تفرح بيها شهر، وبعد كده الشركة تنساها. اختار براند بيدعم الجهاز 3 سنين على الأقل، زي سامسونج أو شاومي أو فيفو.

من الآخر كدا .. ما تشتريش بالمظهر، اشتري بالعقل. اللي بيقارن صح، بيكسب موبايل يعيش معاه، مش يندم عليه.. لو الفيديو ده فادك، منشن حد ناوي يغير موبايله، أو اعمله شير… يمكن تنقذه بدل ما يضيع فلوسه على الفاضي