لاري اليسون.. تاني أغنى رجل في العالم

فيه ناس بتكسب ملايين في سنين بس فيه واحد كسب 40 مليار دولار في يومين انت متخيل لا واالأغرب إنه عنده 80 سنة ومع ذلك لسه بيلعب على أعلى مستوى في عالم التكنولوجيا والفلوس

لاري إليسون تاني أغنى رجل في العالم حكايته العجيبة مع الذكاء الاصطناعي وأوراكل .. ايه حكاية الراجل ده وازاي قدر يجمع كل الثروة دي.

عارف يعني إيه تضيف 40 مليار دولار لثروتك في يومين حاجة مستحيل أنها تحصل مش كده

بس لاري إليسون، مؤسس شركة "أوراكل"، حقق المستحيل وعملها وبقى تاني أغنى راجل في العالم بعد ما تخطى بيزوس وزوكربيرج

كل ده حصل بسبب ارتفاع سهم أوراكل اللي بقى عامل زي الصاروخ من ساعة ما بدأت موجة الذكاء الاصطناعي، والسهم تقريبًا تضاعف تلات مرات من يوم ما ظهر "شات جي بي تي" في 2022، ولسه بيكمل طيران

من الآخر اوراكل دخلت سوق الذكاء الاصطناعي بقلب جامد بدأت تشتغل على مراكز بيانات عملاقة، وبقى عندها شراكات تقيلة زي اللي مع OpenAI وسوفت بنك، وكمان بقت جزء من مشروع "ستارغيت" بتاع  ترامب، اللي بيضخ نص تريليون دولار في بنية تحتية للذكاء الاصطناعي

 مش بس كده أوراكل أعلنت عن أرباح قياسية، وإيرادات وصلت لـ15.9 مليار دولار في ربع واحد، ده غير التزامات مستقبلية بـ138 مليار دولار   أرقام كبيرة تخلي أي مستثمر يحط فيها عنيه

كل ده خلى ثروة إليسون تعدي 258 مليار دولار، يعني تاني أغنى بني آدم على الكوكب، بعد برنارد أرنو.وأكبر سبب على ده إنه لسه عنده حوالي 40% من أسهم أوراكل، يعني أي طلعة في السهم بتساوي مليارات بتتزود في حسابه

بس مش كله تفاؤل كده لا في محللين قالوا إن أوراكل ممكن تتعرض لضغط مالي عشان استثماراتها الكبيرة في مشاريع مكلفة وهامش ربحها مش دايمًا مضمون.

ورغم كده، إليسون لسه بيخطط لقدام، وقرر يخصص جزء كبير من ثروته لمعهد التكنولوجيا اللي أسسه في جامعة أوكسفورد، وهدفه يحل مشاكل زي الجوع، والصحة، والمناخ.

الراجل ده عنده 80 سنة، ومع ذلك تأثيره على الاقتصاد والتكنولوجيا مش بيقل.يمكن بيزيد كمان