هل الوقت مناسب لشراء الذهب؟

من بعد ما أسعار الدهب زادت بشكل محصلش قبل كده والناس دلوقتي بتسأل تبيع ولا استنى شوية 

الحقيقة أن إجابة السؤال ده متوقفة على حاجة واحده بس، فخليك معانا وانت تعرف تبيع ولاتستني 

اسعار الذهب 

الدهب رجع يتكلم وبقوة، رجع ياخد مكانه الطبيعي كـ"الملاذ الآمن"، خصوصًا بعد ما التضخم في العالم بقى نار، والفوايد بدأت تنزل، والدولار قيمته بتتهز كل يوم.

عشان كده الناس دلوقتي متقسمة نصين.نص بيقولك “الوقت ده لازم تبيع وتكسب قبل ما الأسعار تهدى”،

ونص تاني بيقولك “استنى، دي لسه البداية، الدهب لسه وراه طلعة كبيرة.”

الخبراء نفسهم مختلفين، بس اللي متفقين عليه إن كل قرار بيعتمد على ظروفك أنت يعني لو محتاج سيولة أو عندك مكسب كويس، البيع دلوقتي ممكن يكون اختيار منطقي.

لكن لو مستثمر طويل المدى، ولسه مستني تشوف لحد فين السعر ممكن يوصل، فالدهب لسه عنده نفس يتنفس أكتر.

خصوصًا بعد ما الفيدرالي الأمريكي خفض الفايدة لأول مرة السنة دي، وده معناه إن العائد على الشهادات والودايع هيقل،فالمستثمرين هيجروا ناحية الدهب باعتباره أأمن وأربح، وده بطبيعته بيرفع السعر أكتر.

بس خد بالك، لو ناوي تبيع يبقي لازم يكون في محل مضمون وده  أحسنلك علشان متخشش في مخاطرة الشحن ولا نصب الإنترنت.

أما لو مستثمر في صناديق ETFs أو أسهم تعدين، فالموضوع أسهل بكتير، عشان تقدر تبيع الدهب زي أي سهم عادي.

وفي رأي تاني من خبراء كبار زي “جو كافاتوني” من مجلس الذهب العالمي، بيقولك لازم قبل ما تبيع، تشوف مكسبك كام، وتراجع وضعك الضريبي، لأن المكسب من الدهب ممكن يخضع لضريبة أرباح رأسمالية.

يعني الموضوع مش مجرد “أبيع ولا لأ؟” الموضوع محتاج تفكير على المدى الطويل هل أنت داخل تستثمر، ولا داخل تكسب  وتخرج؟

بس اللي مفيش خلاف عليه دلوقتي إن اللي اشترى دهب السنة اللي فاتت كسب، واللي ماسك دهب النهارده قاعد على كنز بيزيد كل يوم الدهب دلوقتي مش مجرد معدن…

ده بقى لغة أمان، ولغة فلوس، ولغة ذكاء.

السؤال  دلوقتي هتبيع دلوقتي ولا هتستنى؟