مصر تفرض سيطرتها على عرش المنسوجات.. «ديستنيشن أفريقيا» يجمع 250 مشتري عالمي و90 شركة
أكد المهندس هاني سلام، رئيس المجلس التصديري للغزل والمنسوجات، أن معرض «ديستنيشن أفريقيا 2026» مش مجرد معرض، لكنه منصة استراتيجية بتخلي مصر مركز إقليمي لصناعة الغزل والمنسوجات في أفريقيا، وبوابة رئيسية لتوريد المنتجات النسيجية للعالم كله.
وقال سلام، على هامش الدورة العاشرة للمعرض بمركز مصر للمعارض الدولية، إن المعرض بيستضيف 250 مشتري دولي من مختلف دول العالم، عشان يفتحوا قنوات تصدير جديدة للمصانع المصرية، ويوسعوا قاعدة عملائها.المعرض السنة دي أكبر من أي سنة، بمشاركة 90 شركة من مصر وبنين والجزائر، على مساحة 6 آلاف متر مربع، بزيادة 40% عن الدورة اللي فاتت، وبيضم قطاعات الملابس الجاهزة والغزل والمنسوجات والمفروشات المنزلية.تنوع يخض العالمالمعرض بيضم كل أنواع الأقمشة: الجينز «الدنيم»، والأقمشة المنسوجة والمصنرة، والقطنية والمخلوطة، وأقمشة الملابس الجاهزة والمفروشات.
والتنوع يؤكد إن الصناعة المصرية قادرة تلبي أي طلب من أي سوق عالمي، وبيخلي العلامات التجارية العالمية تفكر في مصر كمركز رئيسي للتوريد في أفريقيا.من الغزل لحد الملابس الجاهزةالمعرض بيوفر سلسلة إنتاج متكاملة، من الغزل وإنتاج الأقمشة لحد الملابس الجاهزة والمفروشات، وده بيزود القيمة المضافة للصادرات وبيعمّق التصنيع المحلي.
واللقاءات الثنائية بين المصنعين والمشترين هي أهم حاجة في المعرض، لأنها بتتيح للشركات تعرض إمكانياتها، وتعرف متطلبات الأسواق العالمية في الجودة والتصميم ومواعيد التوريد، وده بيفتح باب التعاقدات طويلة الأجل.التكنولوجيا والجودة سر المنافسة
وشدد سلام على إن مصر عشان تفضل مركز إقليمي، لازم تكمل تطوير قدراتها الإنتاجية، وتستثمر في التكنولوجيا الحديثة، وتلتزم بمعايير الجودة والاستدامة.واختتم بأن «ديستنيشن أفريقيا 2026» خطوة مهمة لترويج الصناعة النسيجية المصرية عالميًا، وترسيخ صورة مصر كمركز صناعي وتصديري متكامل بيخدم الأسواق العالمية من قلب أفريقيا.