عاصمة المليونيرات.. تقرير دولي يكشف عن عدد المليونيرات في القاهرة

لما بنقول القاهرة أول حاجة بتيجي في بالك الغلاء وارتفاع الأسعار والأزمة اللي بتمر بيها عموما  بس اللي يمكن ما تعرفوش، ان القاهرة دلوقتي بقت واحدة من أغنى المدن في شمال إفريقيا

آه والله، بقت مدينة المليونيرات والأثرياء، مش بس مدينة التاريخ والآثار والاهرامات

وحسب تقرير من شركة اسمها "Henley & Partners"، القاهرة دلوقتي فيها 7200 مليونير و30 واحد من اللي بيسموهم سنتي مليونير  يعني ثروتهم فوق الـ100 مليون دولار وكمان فيها 4 مليارديرات

وده خلى القاهرة تتفوق على مدن كبيرة زي الدار البيضاء والجزائر ومراكش، وتاخد لقب "أغنى مدينة في شمال إفريقيا"

بس إزاي ده حصل؟ 

يمكن السبب في ده أن القاهرة بقت مدينة جاذبة للأعمال، الاستثمار، والمشاريع الكبيرة زي العاصمة الإدارية الجديدة مثلًا، اللي هيكون فيها بنوك، شركات تكنولوجيا، وبُنى تحتية متطورة، وده خلى المستثمرين  يشفوا إن ده مكان آمن ومربح.

وفوق كل ده الدولة بتوفر تسهيلات كبيرة عشان تجذب المستثمرين عندها وتوفر لهم مناخ أمن .

وعلى فكرة التقرير قال إن اكتر اماكن متواجدين فيهم الأغنياء الزمالك، جاردن سيتي، المعادي، مصر الجديدة حتى انت هتلاقي إن المناطق دي بقت مليانة فيلات وقصور وعربيات فارهة، ومليانة ناس من طبقات ثرية جدا

من ضمن الأغنياء اللي بتتكلم عنهم وعايشين في القاهرة ناصف ساويرس  أغنى واحد في مصر، ومالك نادي أستون فيلا الإنجليزي  ساكن في القاهرة، وثروته وصلت لاكتر من  مليار دولار

وعندك كمان  محمد منصور – رجل أعمال وسياسي، رئيس مجموعة منصور العملاقة، ثروته اتقدرت بـ3.3 مليار دولار

بس مش القاهرة بس اللي غنية في المنطقة فيه المغرب مثلًا، الدار البيضاء فيها 2800 مليونير وملياردير واحد،

ومراكش فيها 1400 مليونير ومليارديرين، وطنجة والجزائر العاصمة فيهم حوالي 1000 مليونير لكل مدينة، وواحد من طنجة بقى ملياردير كمان بس القاهرة متفوقة عليهن 

و لسه محافظة على لقبها مش بس "قاهرة المعز"، ولا "مدينة الألف مئذنة" دلوقتي كمان "قاهرة المليونيرات!" 

ودلوقتي قولنا شايف إزاي مستقبل القاهرة.. شاركنا بتعليقك