4 حاجات لو عملتها هتوفر بنزين عربيتك.. إيه الحكاية؟
لو عايز عربيتك توفر بنزين ومتحسّش بارتفاع الأسعار… في شوية حاجات لازم تظبطهم وهتلاقي الفرق بنفسك!
أول حاجة خلي بالك من ضغط الكاوتش.لو الضغط مش مظبوط العربية هتستهلك بنزين أكتر من الطبيعي فراجع الضغط كل أسبوعين وخليه على المقاس اللي الشركة حاطاه.
تاني نقطة الصيانة الدورية.الموتور اللي زي الفل وزيته متغير في ميعاده بيحرق بنزين أقل وبيمشي أسرع، يعني هتوفر فلوس وهتحافظ على العربية في نفس الوقت.
وبرضه مهم جدًا تشيل أي أوزان زيادة في الشنطة كل كيلو زيادة بيخلي الموتور يشتغل أكتر وبالتالي البنزين يقل أسرع.
وأهم حاجة بقى.التكييف.لو شغال على أعلى درجة طول الوقت استهلاك البنزين هيزيد معاك جامد، فخلي التكييف على درجة هادية، ولو الجو مستحمل افتح الهوا وشغّل المروحة بس.
جرّب الحاجات دي وهتتفاجئ قد إيه عربية ممكن تبقى اقتصادية أكتر!