مطلوب فورا في أوروبا والخليج.. بيزنس بيع النمل في مصر!

خلاص موسم الصيف داخل علينا والنمل هيدخل في كل بيت وكتير هيفكر يتخلص منه، بس استنى انت تعرف أن النمل ده ممكن تعمل منه بيزنس تكسب منه دهب اه والله زي ما سمعت كده النمل فعلا بيتباع وفي سوق ليه كمان لا وايه دهب يتباع بمبالغ خيالية

عشان كده بيتباع كتير في دول عربية وأوروبية بس خلينا الاول نبدا من مصر،نجاح طلبة"، صاحب مزرعة لتربية الطيور والزواحف، وده قال أنهم يبيعوا كتير من الحشرات للجامعات عشان الأبحاث العلمية والأبحاث، من بينها النمل والجراد ودودة القز والجعران والدبابير

دول كمان بيصدروه بره مصر بس خالي بالك مش اي نمل بيتباع طلبة قال إن النمل الأبيض هو النوع الوحيد اللي بيتم التجارة فيه، لانه بيبعه بالعش كامل وفيه 300 نملة بمبلغ  ألف جنيه، وعادة بياخدهم من منطقة جسر السويس في الإسماعيلية 

أما في السعودية في شاب هناك  قرر أن يبقى كريتيف و يتاجر في النمل، الشاب ده قال ان تجارة النمل خليته يكسب مبالغ كبيرة لأن أسعار ملكة النمل تتراوح ما بين 2000 ريال و 5000 ريال يعني اكتر من 66 الف جنيه مصري، عشان كده قرر أنه يوسع تجارته ويعمل متجر الكتروني خاص بيه 

بس مش كل انواع النمل بيشتغل فيها ده قال أنه بيتاجر في انواع معينة من النمل مش النمل الموجود ومنتشر في كل بيت عشان فيه ناس فاكرة أننا بنبيع النمل الموجود في الشارع لكن النمل ده  عامل وعقيم ملوش قيمة، وقال أنه بيشتغل في 3 انواع وهي ملكة النمل والنمل المحارب ونمل عامل 

أما في أوروبا صحيفة "نيو يورك بوست" كشفت عن رجل اربعيني اسمه جون يي، قرر ان ياسس مشروع لبيع النمل بكل انواعه، ورغم أنهم اي أوروبا وكل حاجة مفتوحة قدامهم بس برضو الفكرة مكنتش مفهومة ومش متوقعة وناس كتير احباطته بس هو   قدر انه يثبت لكل التاس انها تجارة مربحة، بس ده مظهرش في بداية شغله هو قعد فترة لحد ما قدر أنه يجمع ارباح

الراجل ده قال ان سعر النملة يتراوح بين 10 دولار ل 140 دولار و 200 دولار يعني بيبع النملة ب10 آلاف حنيه تقريبا، طبعا ده خلاه يقول انها تجارة مربحة وخصوصا أن طلع فيه ناس مهووسة بتربية انواع كثيرة من النمل 

ودلوقتي قولنا ممكن تشتغل في بيزنس النمل؟